Shivneri Bus Accident : मुंबई पुणे-एक्सप्रेस वेवर शिवनेरी बसचा भीषण अपघात; चालकासह ६ प्रवासी जखमी

 Shivneri Bus Accident: मुंबई पुणे एक्स्प्रेस वेवरून भीषण अपघाताची घटना समोर आली आहे. महामार्गावरील खोपोलीजवळ बुधवारी पहाटेच्या सुमारास शिवनेरी बसचा अपघात झाला आहे. चालकाचे गाडीवरील नियंत्रण सुटल्याने बस थेट दुभाजकाला धडकून उलटली. या घटनेत बसचालकासह ६ प्रवासी जखमी झाले आहेत.

अपघाताची माहिती मिळताच स्थानिकांसह पोलिसांनी घटनास्थळी धाव घेतली. जखमींना तातडीने उपचारासाठी खोपोली पालिका रुग्णालयात दाखल करण्यात आलं आहे. यातील ३ प्रवाशांना कळंबोली येथील एमजीएम रुग्णालयात उपचारासाठी हलवण्यात आलं आहे.

मिळालेल्या माहितीनुसार, महाराष्ट्र राज्य मार्ग परिवहन मंडळाची शिवनेरी बस पुण्याहून मुंबईच्या दिशेने जात होती. बुधवारी पहाटेच्या सुमारास बस खोपोलीजवळ आली असता, चालकाचे गाडीवरील नियंत्रण सुटले आणि बस थेट रस्त्यावरील दुभाजकाला धडकून उलटली.

Highway Accident : मुंबई-गोवा राष्ट्रीय महामार्गावर भीषण अपघात; प्रवाशांनी भरलेल्या बसला ट्रकची जोरदार धडक

सुदैवाने या घटनेत कोणतीही जीवितहानी झाली नाही. मात्र, बसमधील  ६ प्रवासी जखमी झाले असून बसचे मोठे नुकसान झाले आहे. अपघातानंतर महामार्गावर वाहनांच्या लांबच लांब रांगा लागल्या होत्या पोलिसांनी तातडीने घटनास्थळी धाव घेत वाहतूक सुरळीत केली. तसेच जखमींना रुग्णालयात दाखल केले.