Mumbai Pune Expressway Accident : मुंबई - पुणे एक्स्प्रेस वे वर अपघात, चार जखमी; वाहतुक सुरळीत सुरु

Mumbai Pune Expressway : मुंबई पुणे एक्स्प्रेस वे वर खोपोली जवळ बोरघाटात आज (बुधवार) सकाळच्या सुमारास टँकरची आणि टेम्पोचा अपघात झाला आहे. या अपघातात चार जण जखमी झाले आहेत. दरम्यान महामार्गावरील वाहतुक सुरळीत सुरु आहे.

या अपघाताबाबत घटनास्थळावरुन मिळालेली माहिती अशी : मुंबई पुणे एक्स्प्रेस वे वरील खोपोली जवळील बोरघाटात मुंबई लेनवर एलपीजी वाहून नेणाऱ्या टँकरने पुढे चाललेल्या टेम्पोला धडक दिल्याने हा अपघात झाला. हा टेम्पो पुढच्या कारला धडकला.

या अपघातात चार जण जखमी झाले आहेत. या अपघातामधील जखमींना खोपोलीतील पालिका रुग्णालयात दाखल करण्यात आले आहे. या अपघातात टँकरच्या व कारच्या दर्शनी भागाचे मोठं नुकसान झाले आहे.

दरम्यान अपघातग्रस्त टँकर बाजूला करण्यात आला आहे. त्यात गॅस नसल्याने मोठा धोका टळला आहे. या अपघातानंतर काही काळ महामार्गावरील वाहतूक ठप्प झाली हाेती. आता महामार्गावरील वाहतुक सुरळीत सुरू आहे.