Mumbai News : पोट दुखतंय म्हणून दवाखान्यात गेली, रिपोर्ट्सही नॉर्मल आले; मात्र ऑपरेशन करताना डॉक्टरही हादरले

Mumbai News : क्रॉफर्ड मार्केटमधील 45 वर्षीय महिला पोटात तीव्र वेदना होत असल्यामुळे बॉम्बे हॉस्पिटलमध्ये गेली होती. तेव्हा त्या महिलेच्या पित्त नलिकेत 17 सेमी आकाराचा जिवंत अळी सापडली  आहे. या घटनेमुळे डॉक्टरांसहित सगळ्यांना धक्का बसला आहे. या अळीचं नाव अस्कारिस लुम्ब्रिकॉईड असून ती साधारणपणे लहान मुलांमध्ये आढळते. प्रौढांमध्ये अतिशय दुर्मिळपणे ही अळी आढळल्याच्या घटना घडतात. 

मागील गुरुवारी या महिलेवर पित्ताशयातील खडा काढण्याची शस्त्रक्रिया पार पडली होती. डॉ.गजानन रोडगे यांनी ही शस्त्रक्रिया केली होती. त्यानंतर ही महिला पोटदुखीच्या कारणामुळे  हॉस्पीटलमध्ये पोहोचली. त्यामुळे तिच्या पोटात अन्नाचे कण किंवा पाण्याचे काही कण असल्याचा डॉक्टरांना अंदाज होता. त्यामुळे वेदना होत असाव्यात अशी शक्यता त्यांनी वर्तविली होती.