Mumbai धक्कादायक प्रकार! ट्रेनच्या रनिंग रूममध्ये भरदिवसा दारु पार्टी; ३ टीटीई निलंबित

Mumbai News : पश्चिम रेल्वेच्या वांद्रे टर्मिनसच्या टीटीई लॉबीमध्ये दिवसाढवळ्या दारू पार्टीचे प्रकरण समोर आले आहे. वांद्रे टर्मिनस येथे अचानक तपासणी करताना टीटीई लॉबीमध्ये बडोदा विभागातील तीन टीटीई दारू पार्टी करत असल्याचे निदर्शनास आले. या तीनही टीटीईंना निलंबित करण्यात आले आहे.

याबाबत अधिक माहिती अशी की,पश्चिम रेल्वेच्या वांद्रे टर्मिनसच्या टीटीई लॉबीमध्ये दिवसाढवळ्या दारू पार्टीचे प्रकरण समोर आले आहे. पश्चिम रेल्वेच्या वरिष्ठ डीसीएमचा पदभार नुकताच स्वीकारल्यानंतर अधिकारी कारवाईच्या मूडमध्ये दिसत असल्याचे पाहायला मिळाले.

Pune Crime : पत्नीचा गळा चिरून केला खून, पती स्वतः चंदननगर पोलीस ठाण्यात हजर, पोलिसही चक्रावले...

बुधवारी वांद्रे टर्मिनस येथे अचानक तपासणी करताना टीटीई लॉबीमध्ये बडोदा विभागातील तीन टीटीई दारू पार्टी करत असल्याचे निदर्शनात आले. तिन्ही टीटीईंना रेल्वे आवारात मद्यप्राशन करताना रंगेहात पकडण्यात आले.

हा प्रकार समोर आल्यानंतर तिन्ही टीटीईंना निलंबित करण्यात आले असून, त्याची माहिती बडोदा विभागाला देण्यात आली आहे. समीर मकवाना (उपमुख्य तिकीट निरीक्षक), विनय देशमुख (मुख्य तिकीट निरीक्षक) आणि भावेश पटेल (मुख्य तिकीट निरीक्षक) अशी मद्यपान करताना पकडलेल्या तीन टीटीईंची नावे आहेत. हे तीन टीटीई बडोदा विभागातील असल्याचे सांगितले जात आहे.