Mumbai Hospitals Threat Mail : मुंबईतील ६० हॉस्पिटलला धमकीचे ईमेल; पोलिसांची धावपळ, डॉक्टरांसह पेशंट धास्तावले

Mumbai Hospitals Threat Mail : मुंबईमधून एक धक्कादायक बातमी समोर आली आहे. मुंबईमधील ६० हॉस्पिटलला धमकीचे मेलआले आहेत. यापूर्वी मीरा-भाईंदर येथील हॉस्पिटलला धमकीचा मेल आला होता. त्यानंतर अशाच पद्धतीचा धमकीचा मेल मुंबईतील ६० नामांकित हॉस्पिटलला पाठवण्यात आला आहे. त्यामुळे एकच खळबळ उडाली आहे.

या सर्व हॉस्पिटलमध्ये पोलिसांनी धाव घेतली असून पोलिसांकडून सर्च ऑपरेशन सुरू आहे. हे धमकीचे मेल नेमके कुठून आले, कोणी पाठवले, दहशतवादी संघटनांनी तर पाठवले नाही ना? सर्व बाजूने पोलिसांकडून तपास सुरू आहे. या धमकीचमुळे रुग्णालयात उपचार घेत असलेल्या रुग्णांमध्ये भीतीचे वातावरण आहे.