Mumbai Fire : मुंबईतील भेंडीबाजार परिसरात 3 मजली इमारतीला भीषण आग; धुराचे लोट, आगीचे लोट अन् नागरिकांची आरडाओरड

Mumbai : मुंबईतील भेंडीबाजार परिसरात असलेल्या तीन मजली इमारतीला भीषण आग लागली. आग लागल्याचं कळताच परिसरात नागरिकांनी आरडाओरड सुरू केली. आगीची माहिती मिळताच अग्निशमन दलाचे ४ बंब आणि तीन पाण्याचे टँकर घटनास्थळी दाखल झाले. सुदैवाने या घटनेत कुठलीही जीवितहानी झाली नाही. सध्या आग विझविण्यासाठी शर्थीचे प्रयत्न सुरू आहे. इमारतीमध्ये अडकलेल्या नागरिकांना बाहेर काढलं जात आहे.

मुंबईतील भेंडीबाजार हा अत्यंत दाटीवाटीचा परिसर आहे. याठिकाणी एकमेकांना लागूनच अनेक इमारती आहे. परिसरात नागरिकांची नेहमी वर्दळ असते. अशातच आग इतर इमारतींमध्ये पसरण्याचा धोका आहे. हीच बाब लक्षात घेता अग्निशमन दलाच्या जवानांनी जवळच्या इतर इमारतील रहिवाशांना बाहेर पडण्याच्या सूचना दिल्या आहेत.

Ratnagiri Yellow Alert : रत्नागिरी जिल्ह्याला १९ जूनपर्यंत येलो अलर्ट; चिपळूण तालुक्यात जोरदार पाऊस

मागील काही दिवसांपासून मुंबईत सातत्याने आगीच्या घटना घडत आहेत. अग्निशमन दलाचे जवान जीवाची पर्वा न करता आग आटोक्यात आणण्याचा प्रयत्न करत असून, नागरिकांचा जीव वाचवत आहेत. अशातच सोमवारी दुपारच्या सुमारास भेंडीबाजार परिसरात असलेल्या एका इमारतीला अचानक आग लागली आहे. आगीमुळे परिसरात धुराचे लोट पसरले आहेत.

अधून मधून आगीचे भडके उडत असल्याने नागरिकांमध्ये भीतीचं वातावरण पसरलं आहे. सध्या अग्निशमन दलाचे जवान आग विझविण्यासाठी शर्थीचे प्रयत्न करत आहेत. अद्याप या आगीत कोणतीही जीवितहानी झाली नसल्याचं वृत्त आहे.