Mumbai Crime News : वाघ कातडी आणि नखांची मुंबईत तस्करी; पोलिसांनी आरोपींच्या आवळल्या मुसक्या, लाखोंचा मुद्देमाल जप्त

वरिष्ठांच्या मार्गदर्शनाखाली पो.नि. सचिन शिंदे (गुन्हे), स.पो.नि. भालचंद्र शिंदे, गुन्हे प्रकटीकरण अधिकारी पो.उ.नि. अखिलेश बोंबे, पोलीस हवालदार प्रवीण जोपळे, पोलीस हवालदार संदीप परीट, पोलीस शिपाई प्रशांत हुबळे, पोलीस शिपाई गणेश शेरमाळे यांनी सापळा रचून वाघ नखे आणि वाघाची कातडी विक्री करण्यासाठी आलेल्या तिघांना ताब्यात घेतले. याप्रकरणी एमएचबी कॉलनी पोलीस ठाणे येथे गुन्हा दाखल करण्यात आला.

सध्या अटकेत असलेल्या सुरज लक्ष्मण कारंडे, मोहसीन नजीर जुंद्रे आणि मंजूर मुस्तफा मानकर एम एच बी कॉलनी पोलिसांकडून कसून चौकशी सुरू आहे. त्यांनी ही वाघनखे आणि कातडे कुठून आणली आणि कुणाला विकणार होते याबाबत अधिक तपास बोरिवली कॉलनी पोलीस करत आहेत.