Mumbai : दहीहंडी उत्सव मोठ्या उत्साहात पार पडला असला तरी त्याला गोविंदा जखमी होण्याचे गालबोट लागले आहे. यंदा मुंबईमध्ये विविध ठिकाणी दहीहंडी फोडताना रात्री उशिरापर्यंत १२९ गोविंदा जखमी झाले. यातील १९ गोविंदांना रुग्णालयात दाखल करण्यात आले आहे. त्यांच्यावर सरकारी व खासगी रुग्णालयात उपचार करण्यात आले आहेत
दहीहंडी फोडताना जखमी झालेल्या गोविंदांना आरोग्य सेवा पुरविण्यासाठी केईएम, नायर, शीव, कूपर या मुंबई महानगरपालिकेच्या रुग्णालयांसह जे. जे. रुग्णालय, सेंट जॉर्जेस व जी. टी. रुग्णालय यांनी सर्व तयारी सज्ज ठेवली होती. मंगळवारी सकाळपासून विविध ठिकाणी दहीहंडी फोडण्यास सुरुवात झाली. दहीहंडीचा उत्साह वाढत असतानाच गोविंदा जखमी होऊ लागले. मुंबईमध्ये १२९ गोविंदा जखमी झाले असून त्यांच्यावर सरकारी व खासगी रुग्णालयांमध्ये उपचार करण्यात आले आहेत.
केईएम रुग्णालयात दाखल करण्यात आलेल्या दोन गोविंदांची प्रकृती गंभीर आहे. कुणाल पाटील (२०) याच्या पाठीच्या मणक्याला तर मनू खारवी (२५) याच्या डोक्याला मार लागला आहे.मुंबई महानगरपालिकेच्या विविध उपनगरीय रुग्णालयांमध्ये २७ जणांना उपचारासाठी दाखल करण्यात आले होते. त्यातील सहा जणांना रुग्णालयात दाखल करण्यात आले असून, त्यांची प्रकृती स्थिर आहे. विशेष म्हणजे जखमींमध्ये बालगोविंदांचाही समावेश आहे.
Pimpri Chinchwad :आपलं हिंदू राष्ट्र वाढलं पाहिजे – स्वप्नील कुसाळे |
जखमींमध्ये बालगोविंदांचा समावेश
सेंट जॉर्जेस रुग्णालयामध्ये दाखल करण्यात आलेल्या चार जखमींमध्ये दोन बालगोविंदांचा समावेश आहे. यामध्ये मोहम्मद झमीर शेख (६) हा सोसायटीतील दहीहंडी फोडताना पडून जखमी झाला. त्याच्या डाव्या हाताला फॅक्चर झाले आहे. यश विजय वाघेला (११) हा थर लावताना पडल्याने त्याच्या दंडाला फॅक्चर झाले आहे. त्यामुळे या दोघांनाही रुग्णालयात दाखल करून त्यांच्यावर उपचार करण्यात येत आहेत. तर दोघांना उपचार करून घरी सोडण्यात आले आहे. जी.टी. रुग्णालयात उपचारासाठी भरती करण्यात आलेल्या चार गोविंदांपैकी शिवा गुप्ता या ११ वर्षीय मुलाचा समावेश आहे
जखमी गोविंदा
जी.टी. रुग्णालय – २४ गोविंदांवर उपचार – चौघे भरती
पोद्दार रुग्णालय – ६ गोविंदांवर उपचार – सर्वांना घरी सोडले
केईएम रुग्णालय – १९ जणांवर उपचार – पाचजण भरती, दोघे गंभीर
नायर रुग्णालय – आठ जणांवर उपचार – एकजण भरती
शीव रुग्णालय – ११ जणांवर उपचार – सर्वांना घरी सोडले
कूपर रुग्णालय – एकावर उपचार, घरी सोडले
हिंदूहृदयसम्राट बाळासाहेब ट्रॉमा केअर रुग्णालय – पाच जणांवर उपचार, एक गंभीर भरती
राजावाडी रुग्णालय – आठ जणांवर उपचार – तीन रुग्णालयात भरती
एम.टी. अगरवाल रुग्णालय – एक भरती
कुर्ला भाभा रुग्णालय – दोघांवर उपचार, एक भरती
सांताक्रूझ येथे दहीहंडी फोडताना उंचावरून पडून जखमी झालेल्या ३४ वर्षीय गोविंदाला बेशुद्धावस्थेत लीलावती रुग्णालयात दाखल करण्यात आले आहे. त्याच्या मणक्याला दुखापत झाल्याने त्याच्यावर तातडीने शस्त्रक्रिया करण्यात आली असल्याचे रुग्णालयाकडून सांगण्यात आले.
एम डब्ल्यू देसाई व कूपर रुग्णालयात प्रत्येकी एक, वीर सावरकर रुग्णालय आणि वांद्रे भाभा रुग्णालयात प्रत्येकी तीन, शताब्दी गोवंडी रुग्णालयात सहा, भारतरत्न डॉ. बाबासाहेब आंबेडकर रुग्णालयात १० जणांना उपचार करून घरी सोडले आहे. व्ही.एन. देसाई रुग्णालयात चौघांवर उपचार करण्यात आले.
वाहतुकीचे नियम मोडणाऱ्यांवर कारवाई
दहीहंडी उत्सवाच्या पार्श्वभूमीवर मुंबईत सर्वत्र पोलिसांनी कडेकोट बंदोबस्त ठेवला होता. यावेळी नियम मोडणाऱ्या वाहन चालकांवरही कारवाई करण्यात आली. त्यात १३ हजार १४६ ई-चलन जारी करण्यात आले. त्याद्वारे एक कोटी पाच लाख रुपयांचा दंड आकारण्यात आला आहे. हेल्मेट न घालता दुचाकी चालवणाऱ्यांवर २,७९१ जणांवर कारवाई करण्यात आली आहे. त्यांच्यावर दंडात्मक कारवाई करण्यात आली असून २१ लाख रुपयांचा दंड आकारण्यात आला आहे. सिग्नल तोडणाऱ्या ९९३ चालकांवर कारवाई करण्यात आली.
बंदी धुडकावून थरामध्ये लहान मुले
दरवर्षीप्रमाणे यंदाही मुंबई-ठाण्यातील समस्त गोविंदा पथकांनी उंच दहीहंडी फोडून पारितोषिक मिळविण्याच्या हव्यासापोटी थरामध्ये १४ वर्षांखालील मुला-मुलींना सहभागी करून न्यायालयाच्या आदेशानुसार निश्चित केलेली मार्गदर्शक तत्त्वे पायदळी तुडवली. उत्सवस्थळी तैनात पोलिसांनाही केवळ बघ्याची भूमिका घेतली. तर आयोजकांनीही या मार्गदर्शक तत्त्वांकडे दुर्लक्ष केले.
मुंबई-ठाण्यासह महाराष्ट्रातील विविध भागात मंगळवारी गोपाळकाला मोठ्या उत्साहात साजरा करण्यात आला. ठिकठिकाणची गोविंदा पथके सकाळपासून मानाच्या दहीहंड्या फोडत पुढे जात होती. मुंबई-ठाण्यात मोठ्या पारितोषिकाच्या उंच दहीहंड्या फोडण्यासाठी गोविंदा पथकांमध्ये चुरस लागली होती. थर रचण्याचा नियमित सराव करणाऱ्या गोविंदा पथकांनी सकाळीच मुंबईतील उंच दहीहंड्या फोडून ठाण्याच्या दिशेने कूच केली. तर लहान गोविंदा पथकांनीही त्यांच्या पावलावर पाऊल ठेवून ठाणे गाठले.
न्यायालयाच्या आदेशानुसार निश्चित करण्यात आलेल्या मार्गदर्शक तत्वांमध्ये १४ वर्षांखालील मुलांना मानवी मनोरे रचण्यात सहभागी करण्यास मनाई करण्यात आली आहे.
शहर
- Chembur Fire : चेंबूरमधील आग दुर्घटनेची CM शिंदेंकडून पाहणी; मृतांच्या कुटुंबियांना 5 लाखांची मदत जाहिर
- Pune Crime : पुणे हादरलं! वारज्यात घरात घुसून महिलेवर लैंगिक अत्याचार, शहरात संतापाची लाट
- Mumbai : मुंबईत मोठी दुर्घटना, चेंबूरमधील सिद्धार्थ कॉलनीत भीषण आग; एकाच कुटुंबातील ७ जणांचा मृत्यू
- Pune Crime : रोड रोमिओच्या त्रासाला कंटाळून १२ वर्षीय मुलीने संपवलं जीवन, पिंपरी चिंचवडमधील धक्कादायक घटना
महाराष्ट्र
- Latur Food Poisoning : खळबळजनक! लातूरमध्ये 30 ते 35 विद्यार्थिनींना जेवणातून विषबाधा; प्रशासनाची धावपळ
- Akola News : संतापजनक! निर्दयी बापाने 2 चिमुकल्या मुलींना नदीत फेकलं; मन सुन्न करणारी घटना, आरोपीला अटक
- Chandrapur School Bus Accident : विद्यार्थांना घेऊन जाणारी स्कूल बस उलटली, बसमध्ये होते ६० विद्यार्थी
- Beed News : बँक शाखा व्यवस्थापकास पाईपने मारहाण; घटनेनंतर बँक अधिकारी कर्मचाऱ्यांचा तहसीलवर मोर्चा
गुन्हा
- Pune Crime : बोपदेव घाट बलात्कार प्रकरण, संशयित आरोपींचे CCTV फुटेज समोर
- Pune Crime: पुणे पुन्हा हादरले! ५ वर्षांच्या चिमुकल्यावर अनैसर्गिक अत्याचार, कोंढव्यातील संतापजनक प्रकार
- Pune Crime : पुण्यात माणुसकीला काळिमा..! धावत्या स्कूल बसमध्ये २ अल्पवयीन मुलींवर लैंगिक अत्याचार
- Pune Police : आधी हप्ता घेतला, नंतर बेडशीटही पळवल्या; पुण्यात दोन पोलिसांचं तडकाफडकी निलंबन
राजकीय
- Maharashtra Politics : पुण्यात मनसेला मोठं खिंडार, जयंत पाटलांनी गेम केला; राज ठाकरेंचा विश्वासू नेताच फोडला
- Maharashtra Politics : मराठा ओबीसी वाद मिटणार? आरक्षणाच्या मुद्द्यावर आज सर्वपक्षीय नेत्यांची बैठक, शरद पवारांसह दोन्ही ठाकरेंना निमंत्रण
- Uddhav Thackeray : 'पापाचा घडा लपवण्यासाठी...'; 'मुख्यमंत्री लाडकी बहीण योजने'वरून उद्धव ठाकरेंचा राज्य सरकारवर घणाघात
- Maharashtra Politics : छत्रपती संभाजीनगरमध्ये भाजपला मोठं खिंडार, राजू शिंदेंसह ६ माजी नगरसेवक ठाकरे गटात
इतर
- Aastad Kale : 'राजन नावाचे क्रिमिनल आहेतच की', मुलाचं नाव जहांगीर ठेवल्यामुळे चिन्मय मांडलेकरच्या ट्रोलिंगवर आस्ताद काळेचं स्पष्ट मत
- Ashok Saraf : नाट्य परिषदेचा जीवनगौरव पुरस्कार अभिनेते अशोक सराफ व रोहिणी हटंगडी यांना जाहीर
- Neena Gupta Interview : 'पैशांसाठी मी तशा भूमिका केल्या, देवाकडे प्रार्थना करायची की...' अभिनेत्रीने स्ट्रगलच्या दिवसांतील मांडली व्यथा
- Munawar Faruqui : 'बिग बॉस १७' विनर मुनव्वर फारुकीची प्रकृती बिघडली, रुग्णालयात उपचार सुरू; नेमकं काय झालं?
मनोरंजन
- Anant Ambani Wedding Budget : काय सांगता? अंबानींच्या एका लग्नाच्या बजेटमध्ये पाच सेलिब्रिटींचं लग्न; अनुष्का,दीपिका, प्रियंकाही पडल्या मागे
- बिग बॉस’ फेम अब्दु रोजिकने उरकला १९ वर्षीय अमीराशी साखरपुडा; आनंदाची बातमी देत शेअर केले खास फोटो
- राजकुमार रावच्या ‘श्रीकांत’ची जबरदस्त सुरुवात, कोण आहे ५०० कोटींची कंपनी उभारणारा नेत्रहीन उद्योजक? जाणून घ्या
- ‘महाराष्ट्राची हास्यजत्रा’पेक्षा निलेश साबळेच्या नव्या कार्यक्रमाला प्रेक्षकांच्या चांगला प्रतिसाद, टीआरपीच्या यादीत ‘या’ स्थानावर
विडियो गॅलेरी
देश विदेश
- Desh Videsh : इराणच्या इस्रायलवरील हल्ल्यानंतर कच्च्या तेलाच्या किंमतीत ३ टक्क्यांनी वाढ; भारतातही पेट्रोल-डिझेलचे दर वाढणार?
- Israel Hezbollah War Updates : इस्रायल-लेबनॉनचा संघर्ष चिघळला, हेझबोलाविरोधात आता जमिनीवरून हल्ले !
- Pakistani family in India: पाकिस्तानी कुटुंबानं ‘शर्मा’ नाव लावून बंगळुरूत केलं वास्तव्य; ‘असं’ फुटलं बिंग
- MP Road Accident: भयंकर! भरधाव बस दगड भरलेल्या डंपरमध्ये घुसली, ९ जण ठार; जेसीबीने पत्रा कापून मृतदेह काढले बाहेर