Maharashtra Monsoon Session : ज्येष्ठ नागरिकांना सरकार घडवणार देवदर्शन; CM शिंदेंकडून 'मुख्यमंत्री तीर्थदर्शन योजने'ची घोषणा

मुख्यमंत्री तीर्थदर्शन योजनेची घोषणा!

राज्यातील ज्येष्ठ नागरिकांना तीर्थस्थळांचे दर्शन घडविण्यासाठी 'मुख्यमंत्री तीर्थदर्शन योजना' सुरू करण्यात येणार असल्याची घोषणा मुख्यमंत्री एकनाथ शिंदे यांनी आज विधानसभेत केली. या योजनेसाठी धोरण आणि नियमावली तयार करून ज्येष्ठांना शासनाच्या माध्यमातून तीर्थस्थळांच्या दर्शनासाठी नेण्यात येईल,अशी माहिती मुख्यमंत्री एकनाथ शिंदे यांनी दिली.

याबाबत शिवसेना शिंदे गटाचे आमदार प्रताप सरनाईक यांनी लक्षवेधी सूचना मांडली होती. त्याला उत्तर देताना मुख्यमंत्र्यांनी आमचे सरकार सर्वसामान्यांचे सरकार असून काल मांडण्यात आलेल्या अतिरिक्त अर्थसंकल्पामध्ये शेतकरी, कष्टकरी, वारकरी, कामगार, महिला, युवा यांच्यासाठी विविध तरतुदी केल्याचे सांगितले.