Lalit Patil Case : ललित पाटील प्रकरणात मोठी कारवाई; ससूनचे अधिष्ठाता पदमुक्त, सर्जन सस्पेंड

ललित पाटील फरार झाल्यानंतर दहा दिवसांनी या प्रकरणाची चौकशी करण्यासाठी चार सदस्यीय चौकशी समिती स्थापन करण्यात आली होती. या समितीला डॉक्टर संजीव ठाकूर आणि डॉक्टर प्रवीण देवकाते दोषी आढळलेत. पोलीसही याप्रकरणी या दोन्ही डॉक्टरांवर कारवाई करू शकते, असं सांगण्यात येत आहे. 

दरम्यान, ललित पाटीलच्या चौकशीत त्याने अवैद्यरित्या किती संपत्ती कमावली याचे पुरावे आता हळूहळू समोर येत आहेत. ड्रग्स प्रकरण अटक केल्यानंतर ललित हा वैद्यकीय कारण देत पुण्यातील ससून रुग्णालयात राहत होता. मात्र त्याठिकाणी तो मोठी रक्क देत होता, असं पोलीस तपासात उघड झालं आहे.

पोलीस तपासात अशी माहिती उघड झाली आहे की, ससूनमध्ये राहण्यासाठी ललित पाटील दर महिना 17 लाख रुपये देत होता. विश्वसनीय सूत्रांची साम टीव्हीला ही माहिती दिली आहे. ड्रग्स विक्रीच्या पैशातून ललित पाटील ससून रुग्णालय प्रशासनाला हे पैसे देत होता का? असा सवाल आता उपस्थित होत आहे. यातच आता ही मोठी कारवाई करण्यात आली आहे. पोलीस याप्रकरणी अधिक तपास करत असून यात दररोज नवीन खुलासे होताना दिसत आहे.