Kalyan Crime : कल्याणमध्ये पुन्हा धक्कादायक घटना; 5 वर्षीय मुलावर डान्स शिक्षकाचा लैंगिक अत्याचाराचा प्रयत्न

Kalyan Crime News : कल्याण मध्ये एकतर्फी प्रेमातून अल्पवयीन मुलीची हत्या झाली ही घटना ताजी असतानाच एका शाळेमध्ये पाच वर्षे मुलावर लैंगिक अत्याचाराचा प्रयत्न केला गेला असल्याची घटना उघडकीस आली आहे.

शाळेत डान्स शिकवण्यासाठी येणाऱ्या शिक्षकानेच या मुलावर लैंगिक अत्याचाराचा प्रयत्न केला आहे. याप्रकरणी डान्स शिक्षक समीर कदम याला कोळसेवाडी पोलिसांनी ताब्यात घेतले असून चौकशी सुरू केली आहे. कल्याण पूर्वेतील गुन्हेगारी कधी थांबणार, हा प्रश्न यानिमित्ताने उभा राहिला आहे.

कल्याण पूर्वेतील एका शाळेत हा धक्कादायक प्रकार घडला आहे. 5 वर्षीय मुलगा आई वडिलांना आपल्याला बॅड टच झाल्याचे सांगत होता. सुरुवातीला त्याचे आई-वडील गोंधळले मात्र मुलगा त्याच्यासोबत काहीतरी अनैतिक प्रकार घडला आहे.

Mill Workers News : गिरणी कामगारांना मिळणार हक्काचं घरं, सरकार काढणार 5 हजार घरांची लॉटरी

असे सांगत असल्याने पालकांनी चौकशी केली. आई-वडिलांनी शाळेत जाऊन विचारपूस करण्याचे ठरविले. मात्र, ही घटना शुक्रवारी घडली होती. शनिवार रविवारी शाळा बंद होती. सोमवारी आई वडिल शाळेत पोहचले आणि शाळेला माहिती दिल्यानंतर घटना समोर आली की, मुलासोबत शाळेच्या शौचालयात लैगिंक अत्याचार करण्याचा प्रयत्न करण्यात आला होता.

हे कृत्य दुसरे कोणी नाही तर शाळेत डान्स शिकविणाऱ्या समीर कदम याने केले होते. या प्रकरणी कोळसेवाडी पोलिस ठाण्यात पालकांनी धाव घेत पोलिसांना माहिती दिली. पोलिसांनी तात्काळ समीर याला ताब्यात घेत चौकशी करत तपास सुरू केला आहे. कल्याण मध्ये घडणारी ही धक्कादायक घटना असून या घटनेमुळे एकच खळबळ उडाली आहे.