Kalyan Accident: कल्याणमध्ये केडीएमसीच्या ट्रकने दोघांना चिरडले, आईसह मुलाचा जागीच मृत्यू

Kalyan Accident : कल्याणमध्ये भीषण अपघाताची घटना घडली आहे. भरधाव ट्रकने दोघांना चिरडलं. या अपघातामध्ये आई आणि मुलाचा जागीच मृत्यू झाला. कल्याण पश्चिमेच्या लाल चौकी परिसरात ही दुर्दैवी घटना घडली. हा ट्रेक केडीएमसीचा असून ट्रक चालकाला पोलिसांनी ताब्यात घेतले आहे. या घटनेमुळे खळबळ उडाली आहे.

मिळालेल्या माहितीनुसार, कल्याण पश्चिम येथील लालचौकी परिसरात आज दुर्दैवी घटना घडली. केडीएमसीच्या ट्रकच्या धडकेत एका महिलेचा आणि तिच्या मुलाचा जागीच मृत्यू झाला. महिला आपल्या मुलासह रस्ता ओलांडत असताना हा अपघात झाला. निशा सोमेसकर आणि अंश सोमेसकर असं मृत आई आणि मुलाचे नाव आहे. या घटनेमुळे लालचौकी परिसरात खळबळ उडाली आहे.

Thakurdev Yatra : आदिवासींच्या संघर्षासाठी ठाकूरदेव यात्रा; छत्तीसगडमधून भाविक दाखल

या अपघातानंतर स्थानिक नागरिकांमध्ये संतापाचे वातावरण आहे. अपघाताची माहिती मिळताच कल्याण पोलिसांनी घटनास्थळी धाव घेतली. दोघांचेही मृतदेह शवविच्छेदनासाठी रुग्णालयात पाठवले. पोलिसांनी ट्रक चालकाला ताब्यात घेतले आहे. या प्रकरणाचा पुढील तपास पोलिस करत आहेत.

अपघाताच्या घटनेनंतर मनसे आक्रमक झाली. या रस्त्यावरील डिव्हायडर तुटल्याने अपघात झाल्याचा आरोप मनसेने केला आहे. माजी आमदार प्रकाश भोईर आणि कार्यकर्त्यांनी रस्त्यावर ठिय्या मांडत रस्ता रोको आंदोलन केले. अपघात होऊन तासाभराचा कालावधी लोटला. मात्र केडीएमसी अधिकारी घटना स्थळी न आल्याने माजी आमदार भोईर आक्रमक झाल्याचे पाहायला मिळाले