Jalna News : ३० वर्षीय शेतकऱ्याची आत्महत्या; जालना तालुक्यातील हिवरडी गावातील घटना

Jalna News : जालन्यात शेतकरी आत्महत्याचं सत्र सुरूच आहे. जालना तालुक्यातील हिवरडी गावातील ३० वर्षीय युवा शेतकऱ्याने आत्महत्या केल्याची घटना काल (७ फेब्रुवारी) सायंकाळी सातच्या सुमारास घडली आहे. उमेश भुतेकर अस आत्महत्या करणाऱ्या शेतकऱ्याचं नाव आहे.

गेल्या दोन वर्षांपासून तो आर्थिक अडचणीत सापडला होता. आर्थिक अडचणी मुळे तो सतत चिंतेत होता. याच विवेचणेतून त्यांनी हे टोकाचे पाऊल उचलून सायंकाळी सातच्या सुमारास मानसिक तणावातून दारूच्या नशेत विषारी औषध घेतल्याची महिती नातेवाईकांनी दिलीय.

उमेश याने विषारी औषध घेतल्याची माहिती कळताच नातेवाईकांनी आणि गावातील नागरिकांनी त्याला तात्काळ उपचारासाठी जिल्हा रुग्णालयात दाखल केले. मात्र, डॉक्टरांनी त्याला तपासून मृत घोषित केलं.

या घटनेची माहिती मिळताच पोलिसांनी या घटनेची नोंद घेत. मृत्यदेह शवविच्छेदनासाठी पाठवला आहे. या प्रकरणी अधिक तपास पोलीस करत असून या घटनेमुळे हिवरडी गावात हळहळ व्यक्त केल्या जात आहे.