IND vs NZ 2nd ODI : रोहितने नाणेफेक जिंकली; भारताला मालिका खिशात घालण्याची संधी

India vs New Zealand 2nd ODI : भारत आणि न्यूझीलंड यांच्यातील दुसरा वनडे सामना आज रायपूरच्या नवीन स्टेडियमवर रंगणार आहे. भारतातील हे आंतरराष्ट्रीय वनडे सामना होणारे 50 वे स्टेडियम आहे. मालिकेतील पहिला सामना भारताने 12 धावांनी जिंकला होता.

प्रथम फलंदाजी करणाऱ्या भारताने 349 धावा केल्या तर न्यूझीलंडने खराब सुरूवातीनंतर दमदार पुनरागमन करत सामना शेवटच्या षटकापर्यंत नेत 337 धावांपर्यंत मजल मारली होती. भारताकडून शुभमन गिलने द्विशतकी खेळी केली तर मोहम्मद सिराजने 46 धावात 4 विकेट्स घेतल्या होत्या. आजच्या सामन्यात भारताला आपली डेथ ओव्हरमधील गोलंदाजी सुधारावी लागले.

भारताने नाणेफेक जिंकून प्रथम गोलंदाजी करण्याचा निर्णय घेतला आहे.