Hingoli Politics : हिंगोलीत ठाकरे गटाला मोठा धक्का, जिल्ह्यातील बडा नेते 'वंचित'मध्ये प्रवेश करणार

वंचित बहुजन आघाडीचे प्रमुख प्रकाश आंबेडकर यांच्या उपस्थितीत अकोल्यात हा पक्षप्रवेश सोहळा पार पडणार आहे. आगामी लोकसभा विधानसभा निवडणुकीच्या पार्श्वभूमीवर बी डी चव्हाण यांच्या प्रवेशामुळे हिंगोली जिल्ह्यात वंचितला मोठं बळ मिळणार आहे.

चव्हाण यांच्या पत्नी डॉ.निकिता चव्हाण ह्या शिवसेना ठाकरे गटाच्या नांदेड जिल्हा महिला संघटक आहेत. त्याही काही दिवसातच अंजलीताई आंबेडकर व प्रदेश अध्यक्ष रेखाताई ठाकूर यांच्या उपस्थितीत वंचितमध्ये प्रवेश करणार आहेत. त्यामुळे नांदेड आणि हिंगोलीत ओबीसीचे दोन बडे नेते उबाठा गटासाठी महत्वाचे होते. आता हे दोन्ही नेते वंचितकडे गेल्यास वंचितसाठी येणाऱ्या निवडणुकांमध्ये बळ मिळणार आहे.