GT vs SRH Live : गुजरात पराभवाचे उट्टे काढणार का?

मुंबई : आयपीएलच्या 15 व्या हंगामात आज 40 व्या सामन्यात गुजरात टायटन्स आणि सनराईजर्स हैदराबाद हे दोन संघ भिडणार आहेत. गुजरात सध्या 12 गुणांसह गुणतालिकेत दुसऱ्या स्थानावर आहे. त्यांनी आपल्या 7 सामन्यांपैकी सहा सामने जिंकले आहेत. तर दुसऱ्या बाजूला सनराईजर्स हैदराबादने हंगामाची पराभवाने सुरूवात केल्यानंतर जोरदार मुसंडी मारली आहे. हैदराबादने आतापर्यंत सात सामने खेळले आहेत. त्यातील पाच सामने जिंकून ते 10 गुणांसह गुणतालिकेत तिसऱ्या स्थानावर विराजमान आहेत.

विशेष म्हणजे गुजरातने आयपीएलमधील आतापर्यंतच्या सामन्यात फक्त एकदाच पराभवाची चव चाखली आहे. हैदराबाने गुजरात विरूद्धच्या सामन्यात 163 धावांचे आव्हान दोन फलंदाजांच्या मोबदल्यातच पार केले होते. आज गुजरात या पराभवाचे उट्टे काढण्यासाठी आपला सगळा दम लावेल. तर हैदराबाद आजचा सामना जिंकून गुणतालिकेतील अव्वल स्थान गाठण्यासाठी जोर लावेल.

सनराईजर्स हैदराबादच्या संघात एक बदल करण्यात आला आहे. सचितच्या जागी दुखापतीतून सावरलेल्या वॉशिंग्टन सुंदरला संघात स्थान देण्यात आले आहे. गुजरातने आपले विनिंग कॉम्बिनेशन न बदलण्याचा निर्णय घेतला

गुजरात टायटन्सने सनराईजर्स हैदराबादविरूद्धच्या सामन्यात नाणेफेक जिंकून प्रथम गोलंदाजी करण्याचा निर्णय घेतला आहे.