Gold-Silver Rate Today 11 February 2026 : सोन्या-चांदीचा जोरदार बाऊन्स बॅक ! 10 ग्रॅम सोन्याची किंमत ऐकाल तर…

Gold Silver Rate Today : गेल्या काही काळापासून सोनं-चांदी यांच्या किंमतीत सतत घसरण दिसून येत आहे. मात्र बुधवारी हा ट्रेंड मोडीत काढत कमॉडिटी मार्केटमध्ये सोनं-चांदीची पुनर्वापसी झाली. त्यामुळे दोन्ही धातूंच्या किमंतीत जोरदार उसळी पहायला मिळाली. मजबूत जागतिक संकेत आणि स्पॉट मार्केटमध्ये वाढत्या खरेदीमुळे एमसीएक्सवरील सोन्याच्या किमती जवळजवळ 1 टक्क्यांनी वाढल्या. अमेरिकन बाँड उत्पन्नात घट आणि डॉलर कमकुवत झाल्यामुळे मौल्यवान धातूंच्या सुरक्षित मागणीत वाढ झाली. तसेच चांदीची चमकही पुन्हा आली असून आज हाँ धातू 8 हजार रुपयांपर्यंत महाग झाला आहे.

MCXवर, एप्रिल डिलिव्हरीसाठी सोन्याचा भाव 1600 रुपयांपेक्षा जास्त वाढून प्रति 10 ग्रॅमसाठी 1,58,436 रुपये झाला. तर मार्चसाठी चांदीचा भाव 2.6 टक्क्यांनी वाढून 2,59,053 रुपये प्रति किलो झाला. नंतर, त्या किमतीत आणखी वाढ झाली आणि ती प्रति किलो 260,557 या उच्चांकावर पोहोचली. 11 फेब्रुवारी रोजी सुरुवातीच्या व्यवहारात चांदीचा भाव 8009 रुपयांपर्यंत वाढला.

आंतरराष्ट्रीय आणि रिटेल मार्केटची परिस्थिती

आंतरराष्ट्रीय बाजारातही तेजी दिसून आली. स्पॉट सिल्व्हर 2.2 टक्क्यांनी वाढून 82.43 प्रति औंस झाला, तर स्पॉट सोन्याचा भाव 0.5 टक्क्यांनी वाढून 5,049.59 डॉलर प्रति औंस झाला. अमेरिकन गोल्ड फ्यूचर्समध्येही जवळपास 1 टक्क्यांनी वाढ झाली.

रिटेलमध्येही सोने आणि चांदीच्या किमतीही वाढल्या. 11 फेब्रुवारी रोजी, 24 कॅरेट सोने 1300 ने नाढून प्रति 10 ग्रॅमसाठी 1, 58, 100 रुपयांवर पोहोचलं. तर चांदीचा भाव7,930 रुपयांनी वाढून 2,61,220 रुपये प्रति किलो झाला.

का वाढले भाव ?

– अमेरिकन ट्रेझरी बाँड उत्पन्नात घट झाल्यामुळे बुलियन मार्केटमधील तेजी वाढली.

– अमेरिकन अर्थव्यवस्था मंदावत आहे असं डिसेंबरच्या किरकोळ विक्रीच्या आकडेवारीवरून दिसून आलं.

– फेडरल रिझर्व्ह व्याजदर कमी करेल अशी गुंतवणूकदारांना आशा आहे.

– या कमी उत्पन्नाच्या वातावरणात, सोने आणि चांदीसारख्या नॉन-यिल्ड मालमत्ता अधिक आकर्षक होत आहेत.

– तसेच, डॉलर निर्देशांक 0.15 टक्क्यांनी घसरून 96.66 वर आला, ज्यामुळे इतर चलनांमध्ये खरेदी करणाऱ्यांसाठी सोने आणि चांदी स्वस्त झाली.