Gold Price: इराण युद्धाचा परिणाम! सोनं-चांदीला चकाकी, २४ तासांत सोनं ११००० तर चांदी २५००० रुपयांनी वाढले

संजय महाजन, जळगाव

सोनं-चांदी खरेदी करणाऱ्यांसाठी महत्वाची बातमी आहे. सोनं-चांदीच्या दरात पुन्हा मोठी वाढ झाली आहे. जळगावच्या सराफा बाजारामध्ये सोनं-चांदीला चांगलीच चकाकी आली आहे. अमेरिका आणि इराण यांच्यात झालेल्या युद्धामुळे थेट परिणाम सोनं आणि चांदीच्या दरावर झाल्याचे पाहायला मिळत आहे. जळगावच्या सुवर्णनगरीमध्ये गेल्या २४ तासांमध्ये सोन्याच्या दरामध्ये ११,००० रुपयांची वाढ झाली तर चांदीच्या दरामध्ये २५,००० रुपयांनी वाढ झाली आहे. त्यामुळे सोनं-चांदी खरेदी करताना ग्राहकांच्या खिशाला कात्री लागणार आहे.