Disha Salian case: दिशा सालियान प्रकरणाची SIT चौकशी; फडणवीसांची घोषणा

Disha Salian case: दिवंगत अभिनेता सुशांतसिंह राजपूत याची तत्कालीन मॅनेजर दिशा सालियान मृत्यू प्रकरणाचा मुद्दा महाराष्ट्र राज्य विधीमंडळाच्या अधिवेशनात गाजत आहे. आदित्य ठाकरेंवर आरोप करतानाच, भाजप आमदार नितेश राणे यांच्यासह इतर सदस्यांनी या प्रकरणाची एसआयटी चौकशी करण्यात यावी अशी मागणी केली होती. ही मागणी मान्य करत, दिशा सालियान प्रकरणाची एसआयटी चौकशी करण्यात येईल, अशी घोषणा गृहमंत्री देवेंद्र फडणवीस यांनी केली.

दिशा सालियान प्रकरणाचा तपास हा मुंबई पोलीस करत होते. सीबीआयने याची चौकशी केली नाही. दिशाच्या कॉलमध्ये AU कोण आहे, हे समोर आले पाहिजे, अशी मागणी नितेश राणे यांनी विधानसभेत केली होती. तसेच या प्रकरणाची एसआयटी चौकशी करण्यात यावी, असेही राणे म्हणाले. 

दिशा सालियान प्रकरणी एसआयटी चौकशी होणार अशी घोषणा देवेंद्र फडणवीस यांनी केली. दिशा सालियान प्रकरणी सीबीआय चौकशी झालेली नाही. राजकीय अभिनिवेश न ठेवता काही पुरावे मांडले जातात. कुणालाही टार्गेट करायचे नाही. या प्रकरणाची निष्पक्ष चौकशी होईल, असे देवेंद्र फडणवीस यांनी सभागृहात सांगितले.