Dhule Accident : भरधाव कारची दुचाकीला धडक; एकाचा मृत्यू, एक गंभीर जखमी

Dhule Accident News : पुणे येथे कामाला असलेल्या मुलाचा विवाह करायचा असल्याने घरच्यांनी मुलगी पाहण्याच्या कामासाठी मुलाला घरी बोलावले. दरम्यान कापडणे येथे घरी आलेल्या या तरुणाचा दुचाकी अपघातात मृत्यू झाला. नीलेश विनायक पाटील वय २४ असे मृत तरुणाचे नाव आहे.

नीलेश पाटील हा पुण्यातील औषध कंपनीत एमआर म्हणून नोकरी करत होता. निलेश हा १२ मार्चला मित्रासोबत दुचाकीने धुळ्याहून कापडणे येथे जात होता. या दरम्यान मुंबई- आग्रा महामार्गावरील सर्व्हिस रोडवर भरधाव कारने दुचाकीला जोरदार धडक दिली. यामुळे दोघेजण फेकले गेल्याने या अपघातात नीलेश व त्याचा मित्र अनिकेत संजय सैंदाणे हे दोघे गंभीर जखमी झाले. त्यांना खासगी रुग्णालयात दाखल केले.

Navi Mumbai : 40 हजार रुपयांची लाच घेताना महसूल कर्मचारी सापडला, एसीबीची नवी मुंबईत माेठी कारवाई

उपचारादरम्यान निलेशच्या मृत्यू

गंभीर जखमी असलेल्या दोघांवर खासगी रुग्णालयात उपचार सुरु होते. या दरम्यान उपचार सुरू असताना नीलेशचा मृत्यू झाला. याबाबत माजी सैनिक अनिल पाटील यांच्या फिर्यादीवरून कारचालक सुनील राठोड याच्याविरोधात पोलिसांत गुन्हा दाखल झाला.