Dharavi Project : मविआ सरकारच्या कार्यकाळात धारावी प्रकल्पासाठी निविदा अटी अंतिम झाल्या, अदानी समूहाकडून खुलासा

आपल्या प्रसिद्धीपत्रक अदानी समूहाने म्हटलं आहे की, ''प्रकल्पाच्या काही पैलूंबद्दल चुकीची माहिती प्रसारित करण्याचा प्रयत्न केला जात आहे, हे दुर्दैवी आहे.'' 

यात सांगण्यात आलं आहे की, निविदा अटींनुसार, अपात्र सदनिकाधारकांनाही रेंटल हाऊसिंग धोरणांतर्गत निवास व्यवस्था उपलब्ध करून दिली जाईल. निविदा तरतुदी हे देखील सुनिश्चित करतात की, पात्र निवासी सदनिकांना मुंबईतील इतर SRA प्रकल्पांपेक्षा 17 टक्के अधिक क्षेत्रफळ मिळेल.''

महाराष्ट्र सरकारने भारतीय रेल्वेसोबत 99 वर्षांचा भाडेपट्टा करार केला आहे आणि त्यानंतर हाऊसिंग सोसायट्यांना मुंबईतील इतर सरकारी जमिनींप्रमाणे 30 वर्षे + 30 वर्षांच्या आधारे भाडेपट्ट्याने दिला जाईल. धारावी पुनर्विकास प्रकल्पासाठी या धोरणात कोणताही बदल करण्यात आलेला नाही, असे प्रसिद्धीपत्रकात म्हटले आहे.