Devendra Fadnavis : राहुल गांधींना दोष देणार नाही, कारण ते वाचत नाहीत; जाहीरनाम्यावरून देवेंद्र फडणवीसांची टीका

Devendra Fadnavis : काँग्रेस नेते राहुल गांधी यांनी भाजपच्या जाहीरनाम्यावर केलेल्या टीकेला उपमुख्यमंत्री देवेंद्र फडणवीस यांनी प्रत्युत्तर दिलं आहे. 'मी राहुल गांधी यांना दोष देणार नाही. कारण ते वाचत नाहीत. त्यांना कोणी लिहून दिले असेल. त्यांनी वाचून मत व्यक्त केलं असतं, तर त्यावर बोलले असतो, अशा शब्दात देवेंद्र फडणवीस यांनी राहुल गांधी यांच्यावर टीका केली.

देवेंद्र फडणवीस यांनी नागपुरात पत्रकार परिषद घेतली. देवेंद्र फडणवीस यांनी या पत्रकार परिषदेत काँग्रेसवर टीका केली.

Pune News : वैद्यकीय अभ्यासक्रमाला प्रवेश देण्याचे आमिष; ७० लाखात फसवणूक

'भाजप संकल्पपत्र कागद नसून मोदींची गॅरंटी आहे. मोदींच्या गॅरंटीवर लोकांना विश्वास असल्याने देशात आणि राज्यात तिसऱ्यांदा महायुती सरकार निवडून आणतील. काँग्रेसचा जाहीरनामा हा फेल जाहीरनामा आहे. राजस्थान, कर्नाटकमध्ये जाहीरनामा दिला, त्यातील एकही गोष्ट पूर्ण केली नाही, त्यांच्यासाठी कागद आहे. मल्लिकार्जुन खरगे यांनी देशाचं सोडावं, ते कर्नाटकातील आहे. त्यांनी तिथे दिलेले आश्वासन आधी पूर्ण करावे,असे देवेंद्र फडणवीस म्हणाले.