Pune : श्री संत तुकाराम महाराज बीज सोहळ्यानिमित्त आजपासून देहू, तळवडे, चाकण परिसरातील वाहतुकीत बदल

Pune : जगद्गुरू संत तुकाराम महाराज ३७५ व्या सदेह वैकुंठगमन अमृतमहोत्सव सोहळ्याचा शुभारंभ येत्या २७ मार्चला श्रीक्षेत्र देहूगाव येथे लाखो वारकरी, भाविक भक्तांच्या उपस्थित होणार आहे. यानिमित्त पिंपरी चिंचवड वाहतूक विभागाने २५ ते २७ मार्चपर्यंत वाहतुकीत बदल केले आहेत. या काळात सर्व प्रकारांच्या वाहनांना देहूनगरीत प्रवेश बंद असणार आहे. तर देहूगाव मध्ये येण्यासाठी भाविकांनी सार्वजनिक वाहनांचा वापर करावा असे आवाहन पिंपरी चिंचवड वाहतूक शाखेचे पोलिस उपायुक्त विशाल गायकवाड यांनी केले आहे. तळवडे म्हाळुंगे चाकण वाहतूक विभाग यांच्या वतीने हा बंदोबस्त ठेवण्यात येणार आहे.

Lok Sabha Election 2024 : निवडणुकांच्या तोंडावर काँग्रेसला मोठा धक्का, राजू पारवे यांचा शिंदे गटात प्रवेश; या मतदारसंघातून मिळणार उमेदवारी?

वाहतूक व्यवस्था

देहूगाव कमान (जुना पुणे-मुंबई महामार्ग) येथून देहूगावकडे येणाऱ्या सर्व प्रकारच्या वाहनांसाठी प्रवेश बंद करण्यात येत आहे. (सार्वजनिक वाहतूक बसेस दिंडीतील वाहने वगळून).

महिंद्रा कंपनीकडून फिजुत्सु, कॉर्नर अथवा कॅनबे चौक आयटी पार्क चौकाकडे येणा-या सर्व प्रकारांच्या वाहनास प्रवेश बंद करण्यात आला आहे. (पर्यायी मार्ग : महिंद्रा सर्कल ते निघोजे ते मोई फाटा मार्गे डायमंड चौक मार्गे इच्छितस्थळी जातील).