Crime News : आधी बारमध्ये गेले, व्हिडीओ शूट केला मग धाड मारली; मुंबई पोलिसांची धडक कारवाई, 54 महिलांचा सुटका

समाज सेवा शाखेला गोपनीय माहिती मिळाली होती की, दौलत नगर येथील जश्न रेस्टॉरंट अँड बारमध्ये विनापरवाना नृत्य चालवलं जातंय. शनिवारी रात्री समाज सेवा शाखेचे कार्यकर्ते कस्तुरबा पोलीस ठाण्यात गेले आणि स्थानिक पोलिसांची मदत घेतली. त्यानंतर पोलिसांची माणसे ग्राहकाच्या वेशात तेथे पोहचले.

कारवाईत ५४ महिलांची सुटका केली तर ५८ जणांना अटक केली. या प्रकरणी कस्तुरबा पोलीस ठाण्यात सरकारी नियमांच उल्लंघन करणे आणि महाराष्ट्र हॉटेल, उपहारगृहे आणि मद्यपान कक्ष (बार) यामधील अश्लील नृत्यावर प्रतिबंध घालण्याबाबत व त्यामध्ये काम करणाऱ्या महिलांच्या प्रतिष्ठेचे संरक्षण करण्याबाबत अधिनियम(२०१६) अंतर्गत गुन्हा दाखल करण्यात आला आहे.