Cricket : वर्ल्ड कप दरम्यान दिग्गजाला मोठी जबाबदारी, फलंदाजांना देणार बॅटिंगचे धडे, कोण आहे तो?

भारत आणि श्रीलंकेत आयसीसी टी 20i वर्ल्ड कप 2026 स्पर्धा खेळवण्यात येत आहे. या स्पर्धेत एकूण 20 संघात एका ट्रॉफीसाठी चुरस आहे. आतापर्यंत प्रत्येक संघाने किमान 1 सामना खेळला आहे. तर दुसऱ्या फेरीला सुरुवात झाली आहे. प्रत्येक संघ साखळी फेरीत प्रत्येकी 4 सामने खेळणार आहे. त्यानंतर सुपर 8, सेमी फायनल आणि त्यानंतर फायनलचा थरार रंगणार आहे. क्रिकेट विश्वात वर्ल्ड कपची चर्चा असताना दिल्ली कॅपिट्ल्सने मोठी घोषणा केली आहे.

दिल्ली कॅपिट्ल्सने आयपीएलच्या आगामी दहाव्या हंगामासाठी (IPL 2026) तयारीला सुरुवात केली आहे. दिल्ली फ्रँचायजीने संघात मोठा बदल केला आहे. दिल्लीने हा बदल टीममध्ये नाही तर कोचिंग स्टाफमध्ये केलाय. हा दिग्गज खेळाडू म्हणून आयपीएल स्पर्धेत खेळला नाही. मात्र या खेळाडूने आंतरराष्ट्रीय क्रिकेटमध्ये उल्लेखनीय कामगिरी केली आहे. तसेच निवृत्तीनंतर या दिग्ग्जाने अनेक संघांसाठी कोचिंग केली आहे. तो दिग्गज कोण आहे? हे जाणून घेऊयात.

दिल्ली कॅपिट्ल्सने इंग्लंडचा माजी फलंदाज इयन बेल याची सहाय्यक प्रशिक्षकपदी नियुक्ती केली आहे. इयनची ऑस्ट्रेलियाच्या मॅथ्यू मॉट याच्या जागी नियुक्ती करण्यात आली आहे. दिल्ली कॅपिटल्सने सोशल मीडियातून याबाबतची माहिती दिली आहे. बेलला क्रिकेट आणि कोचिंगचा तगडा आणि दांडगा अनुभव आहे.

इयन बेलची आंतरराष्ट्रीय क्रिकेट

इयन बेल याने इंग्लंडचं कसोटी, एकदिवसीय आणि टी 20I क्रिकेटमध्ये प्रतिनिधित्व केलं आहे. बेल इंग्लंडसाठी 118 कसोटी, 161 एकदिवसीय आणि 8 टी20 सामन्यांमध्ये खेळला आहे. बेलने कसोटी, वनडे आणि टी 20I या तिन्ही फॉर्मेटमध्ये 7727, 5416 आणि 188 धावा केल्या आहेत.

क्रिकेट कारकीर्दीत एकूण 71 शतकं

तसेच बेलने लिस्ट ए क्रिकेटमध्ये 13 आणि टी 20I मध्ये 1 शतक झळकावलं आहे. तसेच बेलच्या नावावर फर्स्ट क्लास क्रिकेटमध्ये 57 शतकांची नोंद आहे. बेलने अशाप्रकारे एकूण 71 शतकं झळकावली आहेत.

निवृत्तीनंतर कोचिंगकडे मोर्चा

इयनने 2020 मध्ये आंतरराष्ट्रीय क्रिकेटला अलविदा केला. मात्र त्यानंतरही इयनने क्रिकेटची साथ सोडली नाही. इयनने कोचिंगकडे मोर्चा वळवला. इयन बेलने 2024 मध्ये इंग्लंड दौऱ्यात कोच म्हणून जबाबदारी पार पाडली होती. तसेच 2023 साली भारतात झालेल्या वनडे वर्ल्ड कप स्पर्धेत बेलने न्यूझीलंडला क्रिकेटचे धडे दिले होते.

दिल्ली कॅपिट्ल्सचा हेड कोच कोण?

दरम्यान भारताचा माजी फलंदाज वेणुगोपाल राव हा दिल्ली कॅपिट्ल्सचा क्रिकेट डायरेक्टर आहे. हेमंग बदानी हे मुख्य प्रशिक्षक आहेत. तर मुनाफ पटेल बॉलिंग कोच आहेत.