Buldhana News : बुलढाण्यात बर्निंग ट्रकचा थरार! रस्त्यावर धावत्या वाहनाने घेतला अचानक पेट

Buldhana News : बुलढाणा जिल्ह्यात एका चालत्या ट्रकने पेट घेतल्याने बर्निंग ट्रकचा थरार पाहायला मिळाला आहे. बुलढाणा जिल्ह्यातून जाणाऱ्या मुंबई नागपूर महामार्गावर नांदुरा तालुक्यातील वडी गावा नजिक चालत्या ट्रकने अचानक पेट घेतल्याने ट्रकमधील साहित्य जळून खाक झाले आहे.

आर्को ट्रान्सपोर्ट कंपनीचा हा ट्रक अकोलाकडे जात होता. अचानक या ट्रकमधील साहित्याला आग लागली आणि बघता बघता हा ट्रक आगीच्या भक्षस्थानी सापडला. सुदैवाने या दुर्घटनेत कोणतीही जीवितहानी झाली नाही. मात्र या ट्रकमधील साहित्याची मोठी वित्तहानी झाली आहे. चालकाने वेळीच प्रसंगावधान राखत ट्रक रस्त्याच्या कडेला घेऊन स्वतःचे प्राण वाचवले आहे. यात ट्रक जळून खाक झाला आहे.

Manoj Jarange Patil : अन्यथा बीडमधील मराठा रस्त्यावर उतरेल; मनोज जरांगेंचा सरकारला आनखी एक अल्टिमेटम

काल राज्यात लक्ष्मीपूजन उत्साहात साजरे करण्यात आले. मात्र बऱ्याच ठिकाणी आगीच्या घटना देखील घडल्या आहेत. भिवंडीत मीराकलमॉलसमोर मार्केट परिसरात चार दुकानांना रात्रीचा सुमारास भीषण आग लागली होती. या आगीत चार दुकानं जळून खाक झाली असून आगीवर नियंत्रण मिळवण्यासाठी अग्निशमन दलाच्या तीन गाड्या घटनास्थळी दाखल झाल्या. दोन तासांच्या अथक प्रयत्नानंतर आगीवर नियंत्रण मिळवण्यात अग्निशमन दलाला यश आले. मात्र तोपर्यंत सर्व दुकानं जळून खाक झाल्याने लाखो रुपयांचा नुकसान झाले आहेत.

आज सकाळी नाशिकच्या मेनरोड रेड क्रॉस सिग्नल परिसरात असलेल्या वर्धमान या कपड्याच्या शोरुमला देखील भीषण आग लागलीये. अग्निशमन दलाचे १० हून अधिक बंब घटनास्थळी दाखल झालेत. आग आटोक्यात आणण्यासाठी अग्निशामन दलाच्या जवानांचे प्रयत्न सुरू आहेत. यात ३ हून अधिक दुकाने आगीचा भक्ष्यस्थानी पडल्याची माहिती मिळालीये.