Bhandara News : लग्नासाठी निघालेल्या कुटुंबावर काळाचा घाला; कार अपघातात आईसह डॉक्टर मुलाचा मृत्यू

या भीषण अपघातात आईसह डॉक्टर मुलाचा मृत्यू झाला. डॉक्टर सुफल गजभिये (वय ५२) आणि आई कांता गजभिये (वय अंदाजे ८५ वर्षे) अशी मृतांची नावे आहेत. अपघातात शिवान सुफल गजभिये (वय १४) हा गंभीर जखमी झाला असून त्याच्यावर साकोली येथील उपजिल्हा रुग्णालयात उपचार सुरू आहेत.

या घटनेनं परिसरातून हळहळ होत आहे. घटनास्थळावरून मिळालेल्या माहितीनुसार, डॉक्टर सुफल गजभिये हे त्यांच्या मोठ्या भावाच्या मुलाच्या लग्नासाठी कुटुंबासहित कारने रायपूर येथून नागपूरच्या दिशेने जात होते. साकोली उड्डाणपुलावर काही वेळापूर्वी रिमझिम पावसामुळे पाणी साचल्याने चालकाचे कारवरील नियंत्रण सुटले.