Badlapur Major Accident : मुलीला १०वीच्या परीक्षेला सोडायला चाललं होतं दाम्पत्य; कारनं उडवले; बाईकचे २ तुकडेच पडले

Badlapur Major Accident : बदलापूरमध्ये भीषण अपघात झाला. एका भरधाव कारने दुचाकीला उडवले. मुलीला दहावीच्या परीक्षेला सोडण्यासाठी आई-वडील दुचाकीवरून चालले होते. त्याचवेळी ही भयंकर घटना घडली.बदलापूर येथे हा अपघात झाला. हा अपघात इतका भयंकर होता की, कारच्या धडकेमुळे दुचाकीचे अक्षरशः दोन तुकडेच झाले.

मिळालेल्या माहितीनुसार, बदलापूरमधील रेल्वे स्थानकानजीकच्या नगरपालिकेच्या कार्यालयाजवळील उड्डाणपुलावर भीषणअपघात झाला. एका भरधाव कारने दुचाकीला उडवले. या अपघातात दुचाकीवरील दाम्पत्य आणि मुलगी गंभीर जखमी झाले आहेत.

हे दाम्पत्य आपल्या मुलीला दहावीच्या परीक्षेला सोडण्यासाठी दुचाकीवरून निघाले होते. त्याचवेळी हा अपघात घडला. कारने त्यांच्या दुचाकीला जोरदार धडक दिली. या अपघातात ते तिघेही गंभीर जखमी झाले आहेत. तर दुचाकीचे अक्षरशः दोन तुकडे झाले आहेत.

अपघातानंतर कार फुटपाथवर चढली

हा अपघात इतका भीषण होता की, कार थेट पुलावरील फुटपाथच्या भागावर चढली. तर या कारच्या खाली दुचाकीचा काही भाग अडकला होता. तर कारच्या मागच्या बाजूला दुचाकीचा टायर वेगळा होऊन पडला होता.

या अपघातानंतर घटनास्थळी प्रचंड गर्दी जमली होती. अपघातानंतर काही वेळातच वाहतूक पोलीस घटनास्थळी पोहोचले. वाहतुकीला कोणताही अडथळा निर्माण होऊ नये यासाठी कार बाजूला घेण्यात आली. या अपघातात कारचेही नुकसान झाले आहे.