Bacchu Kadu On BJP : 'थाेडा थाेडा अनुभव आम्हांलाही येतोय'; जानकरांच्या विधानानंतर भाजपवर बच्चू कडू स्पष्टच बाेलले

Bacchu Kadu On BJP : महादेव जानकरांनंतर आता बच्चू कडूही भाजपवर नाराज असल्याचं पुन्हा एकदा समोर आलं आहे. भाजप मित्रांना वापरून फेकून देणारा पक्ष असल्याचं विधान राष्ट्रीय समाज पक्षाचे नेते महादेव जानकरांनी यवतमाळ  इथं केलं होतंय. जानकरांच्या या वक्तव्याचं आमदार बच्चू कडूंनीही आज (शनिवार) अकाेला येथे समर्थन केलंय.

आमदार बच्चू कडू म्हणाले महादेव जानकर म्हणतात तसा आपल्यालाही भाजपचा असाच अनुभव येत आहे. भाजपची भूमिका मित्रांना सोबत घ्यायचं अन काम झालं की सोडून द्यायचं अशी असल्याचा टोला कडूंनी लगावला आहे. भाजप आणि उद्धव ठाकरेंपेक्षा एकनाथ शिंदे चांगले असल्याचे बच्चू कडू यांनी नमूद केले.

Pune Accident News : नवले पुलाजवळ विचित्र अपघात, 9 वाहनं एकमेकांवर आदळली; जाणून घ्या महामार्गावरील वाहतूकीची स्थिती

दरम्यान, अमरावती लोकसभेवर प्रहारचा दावा कायम असल्याचं कडू यांनी आज स्पष्ट केले. ते म्हणाले पक्षाकडे पाच-सहा उमेदवारांचा पर्याय आहे. नवनीत राणांना उमेदवारी द्यायच्या मुद्द्यावर कार्यकर्तेच निर्णय घेणार असल्याचं बच्चू कडूंनी स्पष्ट शब्दांत भाजपला सुनावले.