Assembly Election 2023 Result : ३ राज्यात भाजपचा दणदणीत विजय?, PM मोदी भाजप कार्यालयात करणार जल्लोष साजरा

Assembly Election 2023 Result : देशातील ४ राज्यांच्या विधानसभा निवडणूक निकालाकडे (Assembly Election 2023) सध्या संपूर्ण देशाचे लक्ष लागले आहे. छत्तीसगड, तेलंगणा, मध्य प्रदेश आणि राजस्थानमध्ये विधानसभा निवडणुका 2023 साठी मतमोजणी सुरू आहे. आतापर्यंत हाती आलेल्या कलानुसार, ४ पैकी ३ राज्यांमध्ये भाजप आघाडीवर आहे. तर काँग्रेस एका राज्यात आघाडीवर असल्याचे दिसून येत आहे.

मध्य प्रदेश, राजस्थान आणि छत्तीसगडमध्ये भाजपला बहुमत मिळताना दिसत आहे. दरम्यान, या निवडणूक निकालानंतर पंतप्रधान नरेंद्र मोदी (PM Narendra Modi) आज संध्याकाळी ६.३० वाजताच्या सुमारास दिल्लीतील भाजपच्या मुख्य कार्यालयात जाणार असल्याची माहिती समोर आली आहे. सध्या दिल्लीतील भाजप कार्यालयामध्ये विजयाची जय्यत तयारी सुरू आहे.