Anil Parab : मोठी बातमी! अनिल परब यांच्या विरोधात गुन्हा दाखल; मारहाण प्रकरणात चार जणांना अटक

Political News : महापालिकेच्या एच पूर्व कार्यालयातील असिस्टंट इंजिनियर पाटील यांना काल शिवसेना ठाकरे गटाच्या कार्यकर्त्यांकडून मारहाण झाली होती. याप्रकरणी आता मुंबईच्या वाकोला पोलिसांनी शिवसेना गटाचे आमदार आणि विभाग प्रमुख अनिल परब यांच्या विरोधात गुन्हा दाखल केला आहे.

अनिल परब यांच्यासह 20 ते 25 कार्यकर्त्यांवर गुन्हा दाखल केला असून आत्तापर्यंत चार जणांना अटक करण्यात आली आहे. याप्रकरणी इतर फरार असलेल्या आरोपींचा वाकोला पोलीस शोध घेत आहेत.

Jayant Patil : जयंत पाटीलांच्या अडचणी वाढणार? राजारामबापू सहकारी बँकेच्या कार्यालयासह 14 ठिकाणी EDचे छापे

मुंबई महानगरपालिका कर्मचाऱ्याच्या तक्रारीवरुन वाकोला पोलिसांनी गुन्हा दाखल केला आहे. या प्रकरणी कलम 353, 332, 506 आणि 34 भादवी नुसार हा गुन्हा दाखल करण्यात आला आहे. काल रात्री उशिरा गुन्हा दाखल करून घेण्याची प्रक्रिया पार पडल्यानंतर वाकोला पोलिसांनी माजी नगरसेवक सदा परब, माजी नगरसेवक हाजी हलीम खान, शाखाप्रमुख संतोष कदम,शाखाप्रमुख उदय दळवी यांना अटक केली.

सध्या वाकोला पोलिसांनी वेगवेगळ्या टीम बनवून फरार आरोपीची धरपकड सुरू केली आहे. या मारहाणीनंतर वाकोला पोलिसांनी 13 जणांना चौकशीसाठी ताब्यात घेतले होते. मात्र सीसीटिव्ही कॅमेरे तपासल्यानंतर यांतील काही जणांना सोडून देण्यात आले.