Amravati Crime News : भावी डॉक्टर तरुणीने गळफास घेऊन संपवली जीवनयात्रा; धक्कादायक घटनेनं अमरावतीत खळबळ

घटनेची माहिती मिळताच पोलिसांनी तातडीने घटनास्थळी धाव घेत पंचनामा केला. मृत तरुणीचा मृतदेह ताब्यात घेण्यात आला आहे. संस्कृतीने इतकं टोकाचं पाऊल नेमकं का उचललं? याचा तपास पोलिसांनी सुरू केला आहे. मिळालेल्या माहितीनुसार, मूळनांदेड जिल्ह्यातील असलेली संस्कृतीने वैद्यकीय शिक्षणासाठी अमरावतीत आली होती.

गुरुदेवनगर येथील गुडघे यांच्याकडे ती किरायाने रुम घेऊन राहत होती. संस्कृतीने आपलं वैद्यकीय शिक्षण जिल्ह्यातील  गुरुकुंज मोझरी येथील श्री गुरुदेव आयुर्वेद महाविद्यालयातून पूर्ण केलं. सध्या संस्कृती ती वैद्यकीय शिक्षण पूर्ण करून इंटर्नशिप करत होती.काही दिवसांतच तिला इंटर्नशिप पूर्ण केल्याचा दाखला देखील मिळणार होता. मात्र, त्याआधीच तिने गळफास घेऊन आपली जीवनयात्रा संपवली. दरम्यान, ही बाब खोली मालकाच्या लक्षात येताच त्यांनी तातडीने या घटनेची माहिती पोलिसांना दिली.