Ambadas Danve News : आमदार गणपत गायकवाड यांच्या रूपाने रामराज्य आलं; अंबादास दानवेंचा खोचक टोला

Ambadas Danve News : चार दिवसांपूर्वी ज्या भारतीय जनता पार्टीने आणि शिंदे गटाने या राज्यात, देशात रामराज्य आल्याच्या वल्गणा केल्या होत्या आणि केल्या आहेत. मला वाटतं की हे रामराज्य गणपत गायकवाड यांच्या रूपाने जो गोळीबार केला त्या निमित्ताने निर्माण झालेलं आहे, असा टोला विधान परिषद विरोधी पक्ष नेते अंबादास दानवे यांनी लगावला आहे.

काय म्हणाले अंबादास दानवे?

"भाजप आमदार काँग्रेसचे   यांच्या गोळीबार प्रकरणावरुन ठाकरे गटाचे नेते विधान परिषद विरोधी नेते अंबादास दानवे यांनी सत्ताधाऱ्यांवर जोरदार हल्लाबोल केला आहे. हे रामराज्य भारतीय जनता पार्टीचे साधन सूचित रामराज्य स्वतःला म्हणवून घेते. हे रामराज्य गणपत गायकवाड यांच्या रूपाने जो गोळीबार केला त्या निमित्ताने निर्माण झालेलं आहे, "अशी खोचक टीका अंबादास दानवे यांनी केली.

Nandurbar News : नंदुरबारमध्ये काँग्रेसला धक्का; जिल्हा परिषद सभापती रतन पाडवींचा अजित पवार गटात प्रवेश

तसेच "या भारतीय जनता पार्टीचे आमदार दिवसाढवळ्या गोळीबार करतात आणि त्याच भारतीय जनता पार्टीचे सरकार जे आहे ते शिंदे साहेबांच ओळखलं जातं. त्यांच्या पक्षाचा माणूस जागेच्या वादातून एका आमदाराशी भांडण करतो त्यालाही गोळ्या लागतात त्यामुळे खऱ्या अर्थाने रामराज्य या गोळीबाराच्या रूपाने निर्माण करू पाहत आहेत का? असे म्हणत हे राम राज्य आहे की रावण राज्य आहे असा प्रश्न आम्हाला पडला," असा टोलाही दानवेंनी लगावला आहे.

महाविकास आघाडी अभेद्य...

"इंडिया आघाडीही देश पातळीवरील आहे आणि महाविकास आघाडी ही राज्य पातळीवरील आहे. परंतु या महाराष्ट्रामध्ये महाविकास आघाडीने सगळ्या पक्षांना घेऊन येणाऱ्या निवडणूका लढवण्याचा निर्धार केला असल्याचं दानवे यांनी म्हटलं. आणि तशा पद्धतीने हा निर्धार निश्चितच सगळे पक्ष पुढे घेऊन जातील," असा विश्वासही त्यांनी व्यक्त केला.