Ajit Pawar : आमच्या पांडुरंगाने आम्हाला आशिर्वाद द्यावा, आक्रमक भाषणादरम्यान अजित पवार झाले भावूक

चार पाच वेळा उपमुख्यमंत्री झालो, माझा तर रेकॉर्ड आहे

मी आता चार पाच वेळा उपमुख्यमंत्री झालो, माझा तर रेकॉर्ड आहे. पण गाडी पुढे काही जात नाही. मला मनापासून वाटतं मी राज्याचा प्रमुख व्हावं. काही गोष्टी राबवायच्या आहेत, म्हणून प्रमुख व्हावं वाटतं. आज राष्ट्रवादी आपल्याला सगळ्यांना मिळून पुढे न्यायचं आहे. पक्ष चिन्ह आपल्याकडे राहायचं आहे, त्याला कुठेही दृष्ट लागू द्यायची नाही,अशा सूचना अजित पवारांनी आपल्या समर्थकांना केल्यात.

७१ चा आकडा आहे, तो पुढे घेऊन जाणारच

आपला राष्ट्रीय पक्ष आता राज्याचा झाला. राष्ट्रीयत्वाची मान्यता रद्द झाली. ती परत मिळवायची आहे. हे जे काही तुमच्या सगळ्यांच्या मदतीने केलंय, नेत्यांच्या मदतीने केलंय. २०२४ ला निवडणुका होतील त्यामध्ये २००४ मध्ये ७१ चा आकडा आहे. तो पुढे घेऊन जाणारच, असा विश्वास देखील अजित पवारांनी यावेळी व्यक्त केला.