Ajit Pawar : पिंपरी - चिंचवडमध्ये लागलेल्या आगीची उच्चस्तरीय चौकशी होणार, उपमुख्यमंत्री अजित पवारांची माहिती

Ajit Pawar : तळवडे येथे एका केकवरील फायर कँडल बनवण्याचा गोदामाला आग  लागल्याची दुर्दैवी घटना घडली. या आगीमध्ये होरपळून सात जणांचा मृत्यू झालाय. दरम्यान या घटनेची उच्चस्तरीय चौकशी होणार असल्याची माहिती उपमुख्यमंत्री अजित पवारांनी  दिली आहे. अजित पवारांनी ट्विट करत यावर शोक देखील व्यक्त केलाय. दरम्यान या आगीवर अगदी काही वेळातच अग्निशमन दलाला नियंत्रण मिळवण्यात यश आले. हे गोदाम विनापरवाना सुरु असल्याचं म्हटलं जात आहे. 

PCMC ATS : बोटांचे ठसे अन् डोळ्यांच्या फोटोंच्या साहय्याने बनावट आधारकार्ड केंद्र चालवणाऱ्यांचा पर्दाफाश; पिंपरी चिंचवड एटीएसची कारवाई

अजित पावरांनी काय म्हटलं?

उपमुख्यमंत्री अजित पवार यांनी ट्विट करत या संदर्भात माहिती दिली. त्यांनी म्हटलं की,  पिंपरी-चिंचवडमधील तळवडे येथे केकवरील फायर कँडल बनवण्याच्या कारखान्याला लागलेल्या आगीत सात जणांचा होरपळून मृत्यू झाल्याची घटना अत्यंत वेदनादायी आहे. मी या दुर्घटनेबद्दल तीव्र दुःख व्यक्त करतो. दुर्घटनेत मृत्यू पावलेल्यांच्या कुटुंबीयांबद्दल सहसंवेदना व्यक्त करतो. जखमींवर उपचार सुरु असून त्यांना लवकरात लवकर बरं वाटेल अशी प्रार्थना करतो. या घटनेची उच्चस्तरीय चौकशी केली जाईल तसंच दोषींवर कठोर कारवाई करण्यात येईल. भविष्यात अशा दुर्घटना टाळण्यासाठी पूर्ण उपाययोजना केल्या जातील.