Accident News : मुंबई अहमदाबाद महामार्गावर भीषण अपघात; तर वाघोली ब्रिजवर कार दुचाकीच्या धडकेत शिक्षकाचा मृत्यू

Accident News : मुंबई अहमदाबाद महामार्गावर भीषण अपघात झाला आहे. ठाण्यावरून अहमदाबादच्या दिशेने जाणाऱ्या ट्रक ट्रॉलीने मागून धडक दिली. या घटनेत मागून धडक देणाऱ्या ट्रकमधील व्यक्तीला गंभीर दुखापत झाली आहे. ट्रक चालक किरकोळ जखमी झाला आहे. मुंबई अहमदाबाद महामार्गावर अलीबधाब्या जवळ हा अपघात घडला.

सकाळी साडे सहाच्या सुमारास ही अपघाताची घटना घडली आहे. या अपघातानंतर काही काळ महामार्गावर वाहतूक कोंडी झाली होती. त्यानंतर ही वाहतूक कोंडी कमी झाली. वाहतुकीसाठी रस्ता मोकळा झाला होता.

Nitesh Rane : सांगली काॅंग्रेस उद्धव ठाकरेंपुढे झुकणार नाही, संजय राऊतांचा ताेंडदेखला दाैरा: नितेश राणे

वाघोली ब्रिजवर कार दुचाकीचा भीषण अपघातवाघोली ब्रिजवर कार दुचाकीचा भीषण अपघात झाला आहे. याअपघातामध्ये शिक्षकाचा जागीच मृत्यू झाला आहे. सोलापूर मंगळवेढा महामार्गावरील मोहोळ तालुक्यातील कामती जवळील वाघोली ब्रिजवर हा कार दुचाकीचा भीषण अपघात झाला आहे.या अपघातात एक शिक्षक गंभीर जखमी झाल्यामुळे त्याचा जागीच मृत्यू झालाय.

मोहोळ तालुक्यातील सोहाळेतील प्राथमिक जिल्हा परिषद शाळेचे शिक्षक हरी जगताप, असं मृत्यू झालेल्या शिक्षकाचं नाव आहे. वाघोली ब्रिजवर झालेल्या अपघातात कारच्या पुढच्या बाजूचं नुकसान झालं आहे. तर, दुचाकीचंही मोठं नुकसान झालं आहे. याबाबत सोलापूर ग्रामीण पोलीस तपास करत आहे.