Accident News : मोठी बातमी! नागपूर- मुंबई महामार्गावर ट्रक व कारचा भीषण अपघात; दोघांचा जागीच मृत्यू

Nagpur: गेल्या काही दिवसांपासून राज्यातील अपघातांची मालिका अद्याप सुरुच आहे. नागपूर-मुंबई महामार्गावर भीषण अपघाताची घटना घडली आहे. ज्यामध्ये दोन जण जागीच ठार तर दोन जखमी झाले आहेत. अपघातात दोघांना दुर्देवी मृत्यू झाल्याने परिसरात हळहळ व्यक्त केली जात आहे. 

याबाबत समोर आलेल्या माहितीनुसार, नागपूर-मुंबई- महामार्गावर कोंढाळीपासून ७ किमी अंतरावर खुर्सापार पोलीस चौकी जवळ ट्रक व कारचा भीषण अपघात झाला. या अपघातात दोघांचा जागीच दुर्देवी मृत्यू झाला असून अपघातात दोन जण जखमी झाली आहेत. हा अपघात इतका भीषण होता की धडकलेल्या कारचा चक्काचूर झाल्याचे दिसत आहे.