Pune Crime: मॅट्रिमोनिअल साईटवर ओळख, गोड बोलून तरुणीला हॉटेलवर नेलं; तरुणाने केलं भयानक कृत्य, पुण्यात खळबळ

Pune Crime : विद्येचं माहेरघर म्हणून ओळखल्या जाणाऱ्या पुणे शहरातून एक धक्कादायक घटना उघडकीस आली आहे. पुण्यातील बाणेर परिसरात एका नराधमाने पिस्तुलाचा धाक दाखवून ३० वर्षीय तरुणीवर बलात्कार केला. याप्रकरणी पीडित तरुणीने दिलेल्या तक्रारीनुसार, कोंढवा पोलिसांनी तरुणाविरोधात गुन्हा दाखल  केला असून घटनेचा तपास चतु:शृंगी पोलिसांकडे वर्ग केला आहे.

राहुल चंद्रकांत यादव (रा. सोना अपार्टमेंट औंध रोड) असं गुन्हा दाखल करण्यात आलेल्या तरुणाचे नाव आहे. प्राप्त माहितीनुसार, दोन महिन्यापूर्वी पीडित तरुणीची एका विवाहसंबधित साईटवरून आरोपी राहुलसोबत ओळख झाली होती. राहुल याने तरुणीचा विश्वास संपादन करत तिच्यासोबत जवळीक साधली.

मला तुला भेटायचं आहे, असं म्हणत आरोपी राहुलने २४ जूनच्या रात्री पीडित तरुणीला बाणेर परिसरात भेटायला बोलावलं. त्यानंतर पीडितेला हॉटेलमध्ये नेत पिस्तुलाचा धाक दाखवून तिच्यावर जबरस्तीने अत्याचार केला. याबाबत कुणाला सांगितल्यास पीडितेला जीवे मारण्याची धमकी सुद्धा दिली.

Mumbai Crime : बंदुकीचा धाक दाखवून व्यावसायिकाचे अपहरण? आमदार प्रकाश सुर्वे यांच्या मुलासह १५ जणांविरोधात गुन्हा दाखल

घडलेल्या प्रकारानंतर पीडिता प्रचंड घाबरली. तिने घडलेल्या घटनेबाबत कुणालाही सांगितले नाही. मात्र, आरोपी राहुल याने त्रास देणे सुरूच ठेवल्याने पीडितेने अखेर पोलिसांत धाव घेतली. दरम्यान, पीडित तरुणीने दिलेल्या फिर्यादीनुसार, पोलिसांनी आरोपी राहुल चंद्रकांत यादव याच्याविरोधात गुन्हा दाखल केला आहे. या घटनेचा अधिकचा तपास चतु:शृंगी पोलीस करीत आहेत.