श्रद्धा हत्याकांडाची पुनरावृत्ती; गोळ्या झाडून मृतदेहावर पेट्रोल ओतले; नंतर २०० किमी दूरवरील जंगलात फेकले

श्रद्धा वालकरच्या हत्येने संपूर्ण देशाला मोठा धक्का बसला. अशात याच दु:खातून देश सावरत नाही तोच अशीच आणखीन एक घटना उघडकीस आली आहे. छत्तीसगडमध्ये प्रियकराने प्रेयसीची हत्या करून तिचे शव विद्रूप केले. त्याने पेट्रोल टाकून मृतदेह जंगलात फेकून दिला. रायपूर पासून २०० किलोमीटर दूर असलेल्या ओडिसा येथे त्याने प्रेयसीची हत्या केली. सध्या आरोपी पोलिसांच्या ताब्यात आहे.

मिळालेल्या महितीनुसार, मृत मुलीचे नाव तनू कुर्रे असे आहे. ती कोरबा येथील रहिवासी असून कामानिमित्त रायपूरला आली होती. एका बॅंकेत नोकरी करत असताना बालंगीर येथील व्यवलायीक सचिन अग्रवाल बरोबर तिची ओळख झाली. दोघांमध्ये हळूहळू घट्ट मैत्री झाली आणि पुढे हिच मैत्री प्रेमात बदलली गेली. अशात दे दोघे रायपूर येथेच एकत्र राहत होते. २१ नोव्हेंबर रोजी तनूचे कुटुंबीय तिच्याशी संपर्क करण्याचा प्रयत्न करत होते. तेव्हा काहीच संपर्क होत नसल्याने ते थेट तनूच्या घरी पोहटचले. मात्र तिथे देखील ती नसल्याने कुटुंबीयांनी ती हरवली असल्याची तक्रार नोंदवली.

स्वत:च्या बचावासाठी तनू जिवंत असल्याचा दिला पूरावा सचिनने तनूवर गोळ्या झाडून तिची हत्या केली होती. तसेच तिचा फोन त्याने स्वत:कडे ठेवला आणि ओडिसा येथील जंगलात तिचा मृतदेह फेकून दिला. तिचे शव सापडल्यावर त्याची ओळख पटूनये यासाठी त्याने मृतदेहावर पेट्रोल टाकले होते. तसेच तनूच्या कुटुंबीयांची दिशाभूल करण्यासाठी त्याने तिच्या फोनवरून आपण लवकरच लग्न करू, असा मॅसेच स्वत:ला केला आणि ती जिवंत असल्याचे तो वारंवार सांगत राहीला.