शरद पवारांवर रुग्णालयात उपचार सुरू, डॉक्टरांची पहिली प्रतिक्रिया समोर, मोठी हेल्थ अपडेट

राष्ट्रवादी शरद पवार गटाचे अध्यक्ष शरद पवार यांची प्रकृती बिघडल्यानं त्यांना बारामतीवरून पुण्याच्या रुबी हॉल क्लिनिक रुग्णालयात दाखल करण्यात आलं आहे.  शरद पवार यांच्यावर उपचार सुरू आहेत. समोर आलेल्या माहितीनुसार आज सकाळीच शरद पवार यांची प्रकृती बिघडली होती, त्यांना सर्दी, खोकला आणि तापेचा त्रास जाणवत होता. त्यानंतर त्यांच्या बारामतीमधील निवासस्थानी सकाळी डॉक्टराच्या पथकाकडून त्यांची तपासणी करण्यात आली होती, मात्र त्यानंतर त्रास वाढल्यामुळे पुन्हा एकदा डॉक्टरांचं पथक त्यांच्या निवासस्थानी पोहोचलं, त्यांची तपासणी केली आणि त्यांना उपाचारासाठी रुग्णालयात दाखल करण्याचा निर्णय घेण्यात आला. शरद पवार यांना पुण्याच्या रुबी हॉल क्लिनिकमध्ये दाखल करण्यात आलं आहे. दरम्यान शरद पवार यांच्यावर  रुग्णालयात उपचार सुरू असून,  त्यांच्या प्रकृतीबाबत डॉ. अभिजित लोढा यांनी माहिती दिली आहे.

नेमकं काय म्हणाले डॉ. लोढा? 

शरद पवार यांच्या छातीमध्ये कफ झालेला आहे, छातीमध्ये थोडसं कजेक्शन आहे. योग्य त्या तपासण्या करण्यात येणार आहेत, आता सध्या शरद पवार यांच्यावर उपचार सुरू आहेत, सध्या शरद पवार यांची प्रकृती स्थीर आहे. तपासण्यांचा रिपोर्ट आल्यानंतर जर उपचारामध्ये काही बदल करायचा असेल तर तसा बदल करू, त्यांना दोन – तीन दिवसांपासून खोकल्याचा त्रास आहे. पुढच्या दोन ते तीन तासांमध्ये रिपोर्ट मिळेल, असं लोढा यांनी म्हटलं आहे.

दरम्यान दुसरीकडे आमदार रोहित पवार यांनी देखील कार्यकर्त्यांना रुग्णालयात न येण्याचं आवाहन केलं आहे. ‘मी सर्व कार्यकर्त्यांना विनंती करतो, की आपण हॉस्पिटलला आजिबात येऊ नका, इथे सर्व पेशंट आहेत, आणि आता डॉक्टरांनी जसं सांगितलं शरद पवार यांची प्रकृती स्थिर आहे. मी स्वत: चर्चा केली आहे, त्यामुळे टेन्शन घेण्याच कारण नाहीये. गेल्या दहा -बारा दिवसांपासून असलेला ताण, तुम्ही सर्वांनी बघितलं असेल की गेल्या दहा -बारा दिवसांपासून पवार साहेब अनेकांना भेटत होते, त्यामुळे थोडासा ताण आला आहे. छातीमध्ये थोडासा कफ झाला आहे, आता थोड्यावेळात रिपोर्ट येतील, असं रोहित पवार यांनी म्हटलं आहे.