फ्लाईट प्लॅनशिवाय उड्डाणाची परवानगी कशी दिली? रोहित पवारांचा सवाल

रोहित पवार यांनी अजित पवारांच्या विमान अपघातासंदर्भात अनेक गंभीर प्रश्न उपस्थित केले आहेत. आज यासंदर्भात त्यांनी एक पत्रकार परिषद घेतली. यात बोलताना त्यांनी म्हंटलं की, ब्लॅक बॉक्सच्या टिकाऊ क्षमतेबाबत आणि विमान अपघातातील माहिती पुनर्प्राप्तीबाबत सध्या सुरू असलेल्या चर्चांमध्ये तांत्रिक विश्लेषण पुढे आले आहे. ब्लॅक बॉक्स ११०० अंश सेल्सिअस तापमानाला एक तास आणि ६००० मीटर खोल पाण्यातील दाबाला एक महिना टिकू शकतो. विमानाची ॲल्युमिनियम बॉडी ६५० अंश सेल्सिअस तापमानाला वितळते, तर टायटॅनियम १६७० अंश सेल्सिअस तापमानाला वितळते. ब्लॅक बॉक्स विमानातील या भागांच्या आत सुरक्षित असतो. आगीच्या बाबतीतही, स्फोट तात्पुरता असल्याने कागदपत्रेही जळत नाहीत, त्यामुळे ब्लॅक बॉक्स जळणे आणि माहिती नष्ट होणे हे दावे मॅनिपुलेशन असू शकतात, असे तज्ञांनी म्हटले आहे. देशात आधुनिक प्रयोगशाळा असतानाही डेटा विश्लेषणासाठी परदेशी एजन्सीची मदत घेण्यावर प्रश्नचिन्ह उपस्थित करण्यात आले आहे.