पैसे दुप्पट करायचेत? आधी बातमी वाचा! सय्यद टोळीने मुंबईतल्या व्यावसायिकाला असा लावला ४१ लाखांचा गंडा

मिळालेल्या माहितीनुसार, तक्रारदार अनिस खान हे शिपिंग व्यवसायात कार्यरत आहेत. आरोपी झाकिरुद्दीन सय्यद याने आपल्या शेहबाज सय्यद आणि जबिल सय्यद या दोन मुलांच्या मदतीने अनिस खान यांना गंडवले. "आमच्याकडे गुंतवणुकीच्या अशा योजना आहेत, ज्यातून तुम्हाला केवळ तीन महिन्यांत लाखोंचा नफा मिळेल," असे आमिष त्यांनी दाखवले. व्यावसायिक कर्जाच्या नावाखाली त्यांनी अनिस खान यांच्याकडून तब्बल ४१ लाख रुपये उकळले. अनिस खान यांना आपली फसवणूक झाल्याचे लक्षात येताच त्यांनी पोलीस स्टेशन गाठले.