पुणे : हातात कोयता घेऊन चक्क महाविद्यालयात केली भाईगिरी; धक्कादायक घटनेने सिंहगड कॉलेजचे विद्यार्थी भयभीत

पुण्यातील सिंहगड कॉलेजमध्ये एक धक्कादायक प्रकार घडला आहे. कॉलेजमध्ये आपली चर्चा असावी यासाठी एका युवकाने दहशत माजवण्याचा प्रयत्न केला. हातात एक कोयता घेऊन हा युवक संपूर्ण कॉलेज परिसरात फिरत होता. सध्या त्याला पोलिसांनी ताब्यात घेतले आहे. 

प्राप्त माहितीनुसार, पुण्याच्या सिंहगड लॉ कॉलेजमध्ये २८ डिसेंबर रोजी करण दळवी हा तरुण आला होता. त्याच्या बरोबर एक अल्पवयीन मुलगा देखील होता. मित्राला हाताशी घेऊन करण संपूर्ण कॉलेजमध्ये हातात कोयता घेऊन फिरत होता. कॉलेजमधल्यांनी आपल्याला घाबरावे आपल्यासमोर जास्त बोलू नये, आपली दहशत पसरलेली राहावी असे त्याला वाटव होते. त्यामुळे त्याने असा उपद्व्याप केला.

कॉलेजमध्ये तसेच त्या परिसरात राहणाऱ्या प्रत्येकाला आपली दहशत वाटाटी यासाठी या मुलांनी रस्त्याने येणाऱ्या जाणाऱ्या व्यक्तींवर देखील कोयता उगारला होता. अचानक अंगावर कोयता घेऊन आल्याने नागरिक फार भयभीत झाले होते. जीव वाचवण्यासाठी सर्वजन पळू लागले. या हल्ल्यात एका व्यक्तीला मार लागून तो जखमी झाला.

सदर घटनेची माहिती मिळताच पुणे पोलिसांनी या दोन्ही मुलांचा शोध घ्यायला सुरूवात केली. यात आधी अल्पवयीन मुलगा पोलिसांच्या हाती लागला. मुख्य आरोपी करण फरार होता. मात्र पोलिसांनी त्याचा शोध घेऊन त्याला जेलबंद केले आहे. पुणे पोलिसांनी बीड मधून मुख्य आरोपी करणला ताब्यात घेतले आहे. यामुळे विद्यार्थ्यांनी सुटकेचा निश्वास सोडला आहे.