पुणे : सिंहगड रोड परिसरात दहशत माजविणाऱ्या कोयता गँगमधील एकाचा जामीन अर्ज फेटाळला

आरोपी दळवी आणि अल्पवयीन साथीदाराने महाविद्यालयीन विद्यार्थी अथर्व लांडगे (वय २०) याच्यावर कोयत्याने वार केला. अथर्वचा मित्र तन्मय ठोंबरे याला प्लॅस्टिकचा स्टूल फेकून मारला. सिंहगड महाविद्यालयाच्या परिसरात दहशत माजविल्याची माहिती मिळाल्यानंतर सिंहगड पोलिसांनी एकाला पकडून चोप देला होता. आरोपी दळवी पसार झाला होता. या प्रकरणी दोघांच्या विरुद्ध खुनाचा प्रयत्न आणि बेकायदा शस्त्र बाळगल्या प्रकरणी भारती विद्यापीठ पोलिस ठाण्यात गुन्हा दाखल करण्यात आला होता.

 या गुन्ह्यात जामीन मिळण्यासाठी दळवी याने अर्ज सादर केला होता. सरकारी वकील जावेद खान यांनी जामीन अर्जास विरोध केला. आरोपी दळवी जामिनावर बाहेर आल्यास पुन्हा दहशत माजविण्याचा गुन्हा करण्याची शक्यता आहे. त्यामुळे त्याचा जामीन फेटाळण्यात यावा, असा युक्तिवाद ॲड. खान यांनी युक्तीवादात केला. न्यायालयाने दळवी याचा जामीन अर्ज फेटाळून लावला.