पुणे : रिक्षा संघटनांचा संप; आंदोलनाला हिंसक वळण, बाईक टॅक्सीचालकाला मारहाण

रिक्षा चालकांच्या या आंदोलनाला काही ठिकाणी हिंसक वळण लागले आहे. तर बाईक टॅक्सीचालकाला रिक्षाचालकाकडून बेदम मारहाण करण्यात आल्याचा प्रकार समोर आला आहे. आरटीओ कार्यालयासमोर बाईक टॅक्सीचालकाला मारहाण करण्यात आली आहे. तर सिंहगड रोड रस्त्यावर रिक्षा बंद आंदोलनात सहभागी न झालेल्या रिक्षा अडवून काचा फोडण्यात आल्या आहेत.

ओला, उबेर आणि रॅपिडो कंपन्यांच्या बाईक टॅक्सीमुळे रिक्षावाल्याचा ९० % व्यवसाय बुडत असल्याचा दावा रिक्षा चालकांकडून करण्यात येत आहे. त्यामुळे ओला, उबेर आणि रॅपिडो कंपन्यांच्या बाईक टॅक्सीच्य विरोधात हा संप पुकारण्यात आला आहे. आम्ही ओला, उबेर आणि रॅपिडो कंपन्यांच्या बाईक टॅक्सी बंद झाल्याशिवाय संप व मागे घेणार नाही, असा इशारा बघतोय रिक्षावाला संघटनेने दिला आहे.