पुणे: राष्ट्रवादीचे आमदार संग्राम जगताप यांच्या कारला मुंबई- पुणे एक्सप्रेसवेवर भीषण अपघात

हा अपघात पहाटे ५.३० वाजेच्या सुमारास घडला आहे. या अपघातात कोणीही जखमी झाले नाही. हा अपघात मुंबईकडे येणाऱ्या मार्गावर बीएमडब्ल्यू कार आणि एसटी बसचा अपघात झाल्याची माहिती मिळत आहे. रसायनी पोलीस स्टेशनच्या हद्दीमध्ये ही घटना घडली आहे. सुदैवाने या अपघातात कुणी देखील जखमी झाले नाही.

आमदार संग्राम जगताप हे आपल्या मर्सिडिज कारमधून मुंबईच्या दिशेने येत होते. त्यावेळी हा अपघात झाला. एसटी बसबरोबर झालेली ही धडक अतिशय भीषण होती. यामध्ये आमदार संग्राम जगताप यांच्या आलिशान कारचा चक्काचूर झाला आहे. मात्र, सुदैवाने या अपघातात कोणीही जखमी झाले नाही. या अपघातानंतर महामार्गावर वाहतूक कोंडी झाली होती. या अपघाताचे नेमकं कारण स्पष्ट झाले नाही. मात्र, कार चालकाने नियंत्रण सुटल्याने हा अपघात झाला असावा अशी शक्यता वर्तवण्यात येत आहे. या प्रकरणाचा अधिक तपास पोलीस करत आहेत.