पाकिस्तानच्या सीरिजचा भारतात धुमाकूळ, पाहण्यासाठी प्रचंड क्रेझ, शेवटचा भाग फ्रीमध्ये पाहता येणार

Meri Zindagi Hai Tu : पाकिस्तानी लोकप्रिय ड्रामा Meri Zindagi Hai Tu आता आपल्या अंतिम टप्प्याकडे वाटचाल करत असून एपिसोड 31 विषयी प्रेक्षकांमध्ये मोठी उत्सुकता निर्माण झाली आहे. विशेषतः भारतातील चाहत्यांना या भागाची रिलीज डेट, वेळ आणि तो कुठे पाहता येईल याबाबत माहिती जाणून घ्यायची आहे. रमजान महिन्यामुळे शोच्या प्रसारण वेळेत बदल करण्यात आल्याने अनेक प्रेक्षक गोंधळले होते. त्यामुळे एपिसोड 31 च्या नव्या तारखेची आणि वेळेची जोरदार चर्चा सुरू आहे.

या मालिकेत अभिनेत्री हानिया अमीर आणि अभिनेता बिलाल खान मुख्य भूमिकेत आहेत. या जोडीला प्रेक्षकांनी प्रचंड प्रतिसाद दिला आहे. मालिकेची कथा आयरा आणि काम्यार यांच्या नात्याभोवती फिरते. प्रेम, संघर्ष, भावनिक चढ-उतार आणि लग्नानंतरच्या अडचणी यांचा वेध या कथेत घेतला आहे. कधी हलकेफुलके प्रसंग, तर कधी हृदयाला भिडणारे भावनिक सीन यामुळे सुरुवातीपासूनच प्रेक्षक या मालिकेशी जोडले गेले आहेत. प्रत्येक नव्या ट्विस्टमुळे कथा अधिक रंजक बनत गेली आणि त्यामुळेच हा ड्रामा आजच्या लोकप्रिय मालिकांमध्ये आपले स्थान टिकवून आहे.

एपिसोड 31 च्या बाबत

पूर्वी हा शो आठवड्यातून दोनदा शुक्रवार आणि शनिवार प्रसारित होत होता. मात्र रमजान विशेष कार्यक्रमांमुळे त्याच्या वेळापत्रकात बदल करण्यात आला आहे. आधी एपिसोड 31 शुक्रवार 20 फेब्रुवारी रोजी यूट्यूबवर प्रदर्शित होणार असल्याचे सांगितले जात होते आणि नंतर तो डेलीमोशनवर उपलब्ध होणार होता.

मात्र नव्या माहितीनुसार, आता एपिसोड 31 शनिवार 21 फेब्रुवारी रोजी ARY Digital च्या अधिकृत यूट्यूब चॅनलवर रिलीज होईल. पाकिस्तानमध्ये हा भाग शनिवार रात्री 10:30 वाजता पाकिस्तानी वेळेनुसार प्रसारित होईल. भारतीय प्रेक्षकांसाठी हा भाग रात्री 11:30 वाजता भारतीय वेळेनुसार उपलब्ध होईल. त्यामुळे भारतातील चाहत्यांना शनिवारी उशिरापर्यंत प्रतीक्षा करावी लागणार आहे.

भारतात कुठे पाहता येईल?

भारतातील प्रेक्षक हा एपिसोड ARY डिजिटलच्या अधिकृत यूट्यूब चॅनलवर पाहू शकतात. याशिवाय नंतर तो डेलीमोशनवरही उपलब्ध होणार आहे. त्यामुळे ज्यांना यूट्यूबवर पाहणे शक्य नाही त्यांच्यासाठीही पर्याय खुला राहील. मालिका आता शेवटाकडे झुकत असताना आयरा आणि काम्यार यांच्या नात्याला काय वळण मिळणार याची उत्सुकता शिगेला पोहोचली आहे. एपिसोड 31 हा कथानकात नवा ट्विस्ट घेऊन येणार का हे पाहणे रंजक ठरणार आहे.