नाशिक : लग्नाचे आमिष दाखवून अधिकाऱ्याचा महिलेवर अत्याचार, गुन्हा दाखल

नाशिक : लग्नाचे आमिष दाखवून महिलेवर अत्याचार व फसवणूक केल्याप्रकरणी अंबड पोलीस ठाण्यात संशयित प्रवीण अहिरे यांच्याविरोधात एका महिलेच्या तक्रारीवरून अंबड पोलिसांनी गुन्हा दाखल केला आहे. सदर संशयित हे शिक्षण विभागातील मोठे अधिकारी असल्याचे समजते त्यांनी नाशिक जिल्हा परिषद येथे देखील सेवा बजावली असल्याची माहिती मिळाली आहे.

याबाबत वरिष्ठ पोलीस निरीक्षक यांनी दिलेल्या माहितीनुसार महिलेशी २०१६ ला अहिरे यांची ओळख झाली. त्या ओळखीचे रूपांतर मैत्रीमध्ये झाले. मैत्रीतून प्रेमात आणि प्रेमातून प्रेमसंबंधात रुपांतर झाले. अहिरे यांनी त्या महिलेला लग्नाचे आमिष दाखऊन संबंध ठेवले मात्र लग्न केले नाही. आपली फसवणूक झाली असल्याचे सदर महिलेच्या लक्षात आल्यानंतर या महिलेच्या फिर्यादीवरून अहिरे यांच्या विरुद्ध 376 आणि इतर कलमान्वये गुन्हा दाखल करण्यात आला आहे. दरम्यान, या घटनेमुळे शिक्षण क्षेत्रात खळबळ उडाली असून सर्वत्र या प्रकरणाबाबत माहिती घेतली जात होती.