गुजरात : भयंकर! धावत्या बसमध्ये चालकाला ह्रदयविकाराचा झटका; थेट कारला दिली धडक, ९ जणांचा जागीच मृत्यू

प्राप्त माहितीनुसार, गुजरातमधील नवसारी जिल्ह्यात शनिवारी पहाटेच्या सुमारास हा अपघात झाला. अपघातग्रस्त बस ही सूरतहून वलसाडच्या दिशेने जात होती. त्याचवेळी समोरून येणाऱ्या फॉर्च्यूनर कारमधून ९ जण प्रवास करीत होते.

दरम्यान, बस वेस्मा गावाजवळ आली असता, बसचालकाला अचानक ह्रदयविकाराचा झटका आला. त्यामुळे चालकाचं गाडीवरील नियंत्रण सुटलं आणि बसने थेट फॉर्च्यूनर कारला धडक दिली. ही धडक इतकी भीषण होती, की यामध्ये कारमधील ९ जणांचा जागीच मृत्यू झाला. तर बसमधील काही प्रवासी गंभीर जखमी झाले.