अमरावतीत एसटी बसला अपघात, चालकाचं नियंत्रण सुटल्याने बस थेट नाल्यात कोसळली

अमरावती : अमरावतीत राज्य महामंडळाची बस (एसटी बस) रस्त्याच्या बाजूला असलेल्या खोल नाल्यात कोसळल्याची घटना समोर आली आले. बस चालकाचं नियंत्रण सुटल्याने अपघात झाल्याची प्राथमिक माहिती समोर येत आहे. अपघातात एक दुचाकी चालक आणि बस ड्रायव्हर जखमी झाले असून त्यांच्या शासकीय रुग्णालयात उपचार सुरु आहेत.

अपघातग्रस्त बस भंडाऱ्याहून अमरावती जिल्ह्यातील परतवाडाकडे निघाली होती. भंडाऱ्याहून निघाल्यानंतर बस अमरावती जिल्ह्यातील रिंग रोड रहाटगाव येथील नाल्यात जाऊन आदळली. समोरून येणाऱ्या दुचाकीला वाचवण्याच्या प्रयत्नात ड्रायव्हरचे संतुलन बिघडल्याने ही एसटी बस नाल्यात जाऊन आढळली.